Qoǵam • 16 Sáýir, 2020

Sozylmaly obstrýktıvtik ókpe aýrýy bar naýqastarǵa arnalǵan usynystar ázirlendi

664 ret

kórsetildi

1 mın

oqý úshin

Kardıologııa jáne ishki aýrýlar ǴZI-nyń Joǵary bilim alýdan keıingi jáne qosymsha bilim berý departamentiniń basshysy, m.ǵ.d., professor Sáýle Kasenova sozylmaly obstrýktıvtik ókpe aýrýy (COО́A) uzaq jyldar boıy temeki tartyp júrgen nemese jumys ornynda, turǵylyqty jerinde lastanǵan aýany jutýǵa májbúr bolǵan egde adamdarda jıirek paıda bolatyndyǵyn eskertip, osyǵan oraı tıisti keńester ázirledi dep habarlady Kardıologııa jáne ishki aýrýlar ǴZI baspasóz qyzmeti.

Suńǵat ÁLIPBAI

Sozylmaly obstrýktıvtik ókpe aýrýy bar naýqastarǵa arnalǵan usynystar ázirlendi

Aýrý kezinde entigý, qaqyryqpen jótel paıda bolady jáne ol spırometrııalyq tekserý nátıjesinde rastalady.

Koronavırýs COVID-19 ókpege jaǵymsyz áser etetindikten, COО́A-men aýyratyn adamdarda oǵan shaldyǵý qaýpi joǵary.

SOО́A-men aýyratyn adamdarda koronavırýstyq ınfeksııanyń damýyn aldyn alý úshin tómendegi erejelerdi saqtaýdy usynamyz, olar:

• oqshaýlaný qajettigi;

• qol, turǵylyqty jer gıgıenasy;

• bólmeni jıi jeldetý qajettigi;

• pýlmonolog taǵaıyndaǵan ıngalıatorlardy únemi qoldaný qajettigi.

Tynys alý, jótel, sary tústi qaqyryqtyń, ókpeniń syryly paıda bolǵan jaǵdaıda dárilik terapııany túzetý úshin telefon arqyly dárigerge habarlasyp, qajet bolǵan jaǵdaıda ıngalıasııalyq terapııanyń dozasyn nemese preparattardy qoldaný jıiligin kóbeıtý kerek.

Karantın kezeńinde bronholıtıkalyq terapııany úıde jeke ıngalıasııalyq apparatta júrgizý qajet. Jeke pýlsoksımetrdiń málimetteri boıynsha ottegi qanyǵýy tómendegende jeke ottegi konsentratorynda ottegi terapııasyn da júrgizý kerek.

Antıbıotıkterdi taǵaıyndaý máselesin qan men qaqyryqty laboratorııalyq zertteý nátıjeleri negizinde tek dáriger sheshedi.