Palata 10 sáýirden beri azyq-túlik, medısınalyq zattar men janar-jaǵarmaı tasymaldaýshy kásipkerlerdi «Sergek» derekqoryna engizip kelgen, endi bul tirkeý tıisti salalyq mekemeler arasynda bólindi. Osy kezge deıin jasalǵan derekqor tolyq óshirilip, qaıtadan jasaqtalýda. Sondyqtan 15 sáýirge deıin ótinish bergen kásipkerler salalar boıynsha ótinimderdi qaıtadan joldaýy qajet.
Eskerte keter bir jaıt, bir ótinish eki elektrondy poshtaǵa qatar jiberilse, bazaǵa engizý barysynda aqparat qate retinde kórsetilip, adamdardyń tizimi, kólikter enbeı qalady. Sondaı-aq, aqparattyń anyqtyǵy quzyrly organdar tarapynan muqııat tekseriledi.
Endi aýyl sharýashylyǵy salasyndaǵy kásipkerler oblystyq aýyl sharýashylyǵy basqarmasy arqyly bazaǵa engiziledi.
Qala ishinde, sondaı-aq qala qarasty kent jáne eldi-mekenderdegi azyq-túlik dúkenderi, kóp qabatty úıler men turǵyn alańdarynda, jeke úılerde ornalasqan azyq-túlik dúkenderine taýar tasymaldaýshy kásipkerlerdi qalalyq kásipkerlik bólimi engizedi.
Avtojanarmaı quıý, avtogaz quıý stansııalary jáne ony qamtamasyz etýshi mekemeler, naýbaıhanalar, tamaq ónerkásibi jáne osy ónimderge arnalǵan oram materıaldaryn óndirý, býyp-túıý materıaldaryn óndirýdi qosa alǵanda, dárilik preparattardy jáne jeke qorǵanysh quraldaryn óndirý, medısınalyq jabdyqtar men medısınalyq quraldar, sanıtarlyq gıgıenalyq ónimderi, tamaq ónimderin sertıfıkattaý, dárilik preparattardy jáne medısınalyq buıymdardy óndirýge arnalǵan shıkizatty qoımalaý jáne dıstrıbýsııalaý salasyndaǵy kásipkerlerdi derekqorǵa oblysynyń kásipkerler palatasy engizedi.
Palata «Sergek» derekqoryna jasy 18 tolmaǵan jáne 55-ten asqan azamattar engizilmeıtinin, ótinimdi joldaǵannan keıin 1-2 kún kútý kerektigin eskertip otyr.
