– Oblystyq polısııa departamentiniń qyzmetkerleri qaladaǵy jeke úılerdiń biriniń saraıynan jalpy salmaǵy 180 kılo bolatyn bekire tuqymdas baǵaly balyqtyń 60 danasyn tárkiledi. Sol jerde «Nıva» avtokóliginen 10 kılodan astam bekire balyǵy tabyldy, - dep málim etti departamenttiń baspasóz qyzmetinen.
Baǵaly bekire balyǵyn zańsyz saýdalaǵan eki kúdikti Atyraý qalalyq polısııa basqarmasynyń ýaqytsha ustaý abaqtysyna qamalǵan. Kúdiktilerge qatysty Qylmystyq Kodekstiń 339-babymen (Janýarlardyń sırek kezdesetin, paıdalanýǵa tıym salynǵan túrlerimen, olardyń bólikterimen zańsyz aınalysý) sotqa deıingi tergep-tekserý júrip jatyr.
Joldasbek Kósherbaıuly
