Álem • 16 Sáýir, 2020

Úndistanda karantın rejımin buzǵan týrısterge jazanyń erekshe túrin oılap tapty

203 ret

kórsetildi

1 mın

oqý úshin

Bul elde qazirgi kúni koronavırýs juqtyrǵandardyń sany 8 myńnan asty, onyń 300-ge jýyǵy qaıtys boldy. Sondyqtan basqa elder sııaqty, munda da qatań karantın rejımi engizilgen. Turǵyndar dári-dármek pen qajetti azyq-túlik alý úshin ǵana ruqsatpen syrtqa shyǵady. Kóshede beısaýat júrýge bolmaıdy. Karantın erejesin qulaqqa ilmegenderdi polısııa ustap alyp, taıaqpen uryp jazalaıdy.

Egemen Qazaqstan

Úndistanda karantın rejımin buzǵan týrısterge jazanyń erekshe túrin oılap tapty

Keıbir shekteýler syrttan kelgen týrısterge de qatysty. Olar qydyrý úshin qasyna arnaıy ruqsaty bar adamdy ertip júrýi kerek. Biraq bul tártipti elemeı, karantın rejımin buzǵandar tabylyp jatty. Mysaly, jergilikti polısııa qyzmetkerleri kóshede ruqsatsyz júrgen AQSh, Meksıka, Izraıl, Avstralııa azamattaryn ustaǵan. Olar jaza retinde qaǵazǵa «keshirińiz, men tártipti buzdym» dep 500 ret jazýǵa májbúr boldy.

Polısııanyń kózinshe jazylatyn «keshirim» túrindegi erekshe jaza biraz týrıstke sabaq bolǵan syńaıly. Qazir Úndistan kóshelerinde beımezgil júrgender azaıǵan.

Qymbat TOQTAMURAT