Bild basylymynyń habarlaýynsha, Germanııa úkimeti adam kóp jınalatyn jalpyhalyqtyq is-sharalardy 31 tamyzǵa deıin shektegen. Bul shekteýge sporttyq jarystar, onyń ishinde fýtbol matchtary da kiretini aıtpasa da belgili.
Osy máselege oraı, Býndeslıga klýbtarynyń basshylary 23 sáýirde vıdeokonferensııa arqyly jıyn ótkizýdi kózdep otyr. Kún tártibindegi negizgi másele – úkimettiń sheshimin talqylaý.
Buǵan deıin Nemis fýtbol lıgasy (DFL) ishki birinshiliktiń qalǵan bóligin maýsym aıynda jankúıersiz ótkizýdi maqsat etip otyrǵan bolatyn. Eń ókinishtisi, fýtbol matchtary jankúıersiz ótse de, qatysatyn adamdar sanynyń kóptigine baılanysty báribir jalpyhalyqtyq sıpatqa ıe.
Eger DFL Býndeslıganyń qalǵan oıyndaryn ótkizýge bolmaıdy dep sheshse, onda Germanııa chempıonaty merziminen buryn aıaqtalýy múmkin. Esterińizde bolsa, buǵan deıin Eýropada Belgııa óz chempıonatyn merziminen buryn aıaqtap, chempıon komandany anyqtap qoıǵan bolatyn.
