Jalpy, Almaty oblysynyń Panfılov aýdany otandyq júgeri ósirýshilerdiń otany ispetti. Al óńirdegi ónim kóleminiń 33 paıyzyn osy aýdan berip otyr eken. Qazir de Jarkent mańyndaǵy jer emgen jurt egis basynda. Jumys qarqyn alǵan. Bul iske bilek sybana kiriskenderdiń basynda «Kóktal Agro» seriktestiginiń dıqandary tur. О́tken jyly sharýashylyq júgeriden mol ónim jınaǵan. Tabystyń bir syry kóktemgi dala jumysyna tyńǵylyqty ázirlený men kútip-baptaý ádisiniń ozyqtyǵynda jatyr eken. Seriktestik sońǵy jyldary barlyq egis alqaptaryndaǵy jumysqa zamanaýı tehnologııa qoldanyp júr. Agrotehnıkalyq sharasy da ǵylymı jańalyqqa negizdelip júrgiziledi. Mysalǵa, egistikti tamshylatyp sýǵarý ádisi shyǵyndy azaıtyp, ónimdi arttyrýǵa kóp septigin tıgizipti. Qazir sharýashylyq 1500 gektarǵa júgeri egýdi bastady. Jońyshqa tuqymyn sebý de júrip jatyr.
- Myna tamshylatyp sýǵarý ádisiniń paıdasy kóp eken. О́tken jyly buǵan anyq kóz jetkizdik. Sýdy az jumsap, ónimdi artyq alýdy bildik. Buryn biz alqapty sýǵarý úshin sekýndyna 700 lıtrge deıin sý paıdalanatynbyz. Jańa ádisti qoldanǵannan keıin bul shyǵyn 100 lıtrge deıin azaıdy. Esesine, ónim kólemi 2-3 esege kóbeıdi. Basqa sharýalar júgeriniń gektarynan 7,8 tonnadan alǵanda, bizdiń ár gektardan orǵan júregimiz 18 ben 20 tonnanyń arasynda boldy, - deıdi «Kóktal Agro» seriktestiginiń basshysy Jánibek Ohanov.
Osy tamshylatyp sýǵarýdyń arqasynda sharýashylyq dıqandary byltyr jońyshqany tórt ret oryp alypty. 300 gektarǵa ósetin mal azyǵynan jınalǵan mundaı mol ónim buryn-sońdy bolmaǵan-dy. Jańa júıeniń taǵy bir ereksheligi adam eńbegin asa qajet etpeıtindiginde. Iаǵnı, sýarý jumysy sırfly júıede basqaryldy. Jumys úderisin kádimgi uıaly telefonǵa qoıylǵan qosymsha arqyly qashyqtan-aq basqarýǵa bolady eken. Ol úshin ınternet baılanysy ǵana kerek. Bastapqyda egis alqaptaryndaǵy telefon baılanysynyń ózi qıyn bolypty. Biraq, sharýashylyq basshysy bul máseleni jyldam sheshken. Qazir «Kóktal Agronyń» alqaptarynda mobıldi qurylǵy jumys istep tur. Baılanys túzeldi, ınternet bar.
Endi «Kóktal Agro» basshylyǵynyń jańalyqqa toly tájirıbıesi aýdandaǵy basqa da sharýashylyqtarǵa da juǵysty bolýy tıis. Al esep boıynsha Panfılovta 5 myńǵa jýyq jeke sharýa qojalyǵy bar. Topyraq tini jylı bastaǵanda óńirdegi tuqym sebý isi tolyq kúshine enedi. Oǵan daıyqtyq bar. Ásirese, júgeri alqabyndaǵy eńbek jemisti bolýy kerek. Tabys ta soǵan qaraı eselenbek. Aıtpaqshy, byltyr aýdan dıqandary 166 myń tonna júgeri jınaǵan eken.
