Árıne, mundaǵy maqsat turǵyndardy koronavırýs ınfeksııasynyń taralyp ketýinen saqtandyrý ári onyń aldyn alý ekeni aıtpasa da túsinikti. Áıtse de máseleniń bulaısha qoıylýy ekinshi bir kereǵar kórinisti týǵyzyp otyr. Iаǵnı, joǵaryda kórsetilgen ýaqytta kózdegen aıaldamasyna jetip qalýǵa asyqqan qala turǵyndarynyń qatary kóbeıip, olardyń qoǵamdyq kólikke toptasyp, syǵylysyp otyrý kórinisteri oryn ala bastady.
«Qýyrdaqtyń kókesin túıe soıǵanda kóresiń» degendeı, indetti adamdardyń bir-birine juqtyrýy dál osyndaı araqashyqtyq saqtalmaǵan jaǵdaıda oryn almasyna kim kepil? Aqtóbe qalasyndaǵy «Avtopark» JShS kásiporny ókilderi osyǵan baılanysty oblys basshysy Ońdasyn Orazalınge avtobýstardyń júrý kestesin tańerteńgi, túski jáne keshki ýaqyttarǵa bólmeı-aq, kúni boıy júrgizý jóninde usynys túsirdi. Olardyń oıynsha bul kezde joǵaryda aıtylǵandaı kórinister tyıylyp, avtobýstar qozǵalysy qalypty arnasyna túspek.
Bir eseppen bul usynys-pikirdi qoldaı qoıýdyń da jóni joq sekildi. О́ıtkeni, júrginshiler qoǵamdyq kóliktiń ishinde báribir bir-birine túıisip, taqasyp qalyp júrmeı me? Mundaı jaıt tótenshe jaǵdaı men karantın tártibine múldem qaıshy ekendigi taǵy da belgili. Kim biledi, múmkin karantın ýaqyty aıaqtalǵansha Aqtóbe qalasynda qoǵamdyq kólikterdiń júrýine múldem tyıym salý qajet shyǵar. Qalaı degende de, sáýirdiń 15 juldyzy kúni bul máseleniń sheshimi alynbaı qaldy. Tek «Avtopark» JShS ókilderi tarapynan aıtylǵan usynys-tilekter óńirlik shtabtyń otyrysynda qaralatyndyǵy jóninde uıǵarym jasaldy.
