Bitimgerler óz mindetterin sapaly oryndaýda

Qazir Lıvandaǵy jaǵdaı turaqty. Qalyptasqan ahýal jer­gi­likti bılik pen «Lıvan­daǵy BUU ýaqytsha kúsh­te­ri» qolbasshylyǵynyń baqy­laýynda. 26 sáýirge deıin elde tótenshe jaǵdaı jarııalanǵan. Dıplomatııalyq tulǵalardy qos­paǵanda, búkil halyq úshin Beırýt áýejaıy, qurlyq jáne teńiz ótkelderi jabylǵan.

Qazaqstandyq 3-shi bitim­ger­shilik rotasynyń komandıri, maıor Jánibek Nurlanovtyń aıtýynsha, bitimgershilik baza­syn­­daǵy jaǵdaı turaqty. Ja­ýap­kershilik aımaǵynda mıssııa­daǵy 11 myń áskerı qyz­­metshi men azamattyq bitim­ger­ler­diń densaýlyq qaýip­siz­di­gin qam­ta­masyz etý úshin karantın engi­zil­gen.

Bitimgerlik bazanyń árbir baqylaý-ótkizý pýnktinde me­dı­sınalyq personal kezek­shi­lik etedi. Baılanyssyz termo­met­rııa júzege asyrylyp, sanı­­tar­lyq-gıgıenalyq norma­larynyń qatań saqtalýy baqy­la­nady.

Bitimgerlerge vırýsty juq­tyrý faktileri tirkelgen aýdan­dar­ǵa sapar jasamaý jáne jer­gilikti halyqpen qarym-qaty­nas jasaýǵa barynsha shekteý usynylǵan. Jeke qurammen ko­ronavırýstyq ınfeksııany juq­tyrýdyń aldyn alý jáne bol­dyrmaý boıynsha sabaqtar únemi ótkiziledi.

«Bizdiń aldymyzda tur­ǵan eń mańyzdy mindet – bitim­gerlerimizdi vırýsty juq­ty­rý­dan qorǵaý. Sonymen qatar onyń taralýynyń aldyn alý. Qazirgi ýaqytta bizdiń ju­my­­symyz osy­­ǵan baǵyt­tal­ǵan», deıdi qa­zaq­­standyq kon­tın­genttiń ko­man­­dıri.

Komandırdiń aıtýynsha, bizdiń bitimgerlerdiń mo­ral­dyq-psıhologııalyq jaǵ­­da­ıy joǵary deńgeıde. Ol­ar barlyq qaýipsizdik sharala­ryn qatań ustana otyra, «kó­gil­dir syzyq» boıynda tu­raq­­­tylyqty qamtamasyz etý úshin 24/7 rejiminde jedel qyz­metti jú­zege asyrý syndy óz min­det­terin oryndaýdy jal­ǵas­ty­rýda.

Qazaqstandyq bitimgershilik kon­­tıngenti modýldik úlgi­de­gi eki bitimgershilik bazada or­na­lasqanyn atap ótken jón. Kún­­delikti jaıly jaǵ­daıy qa­lyptasqan. BUU tarapynan qam­ta­masyz etiletin úsh mezgildik tamaqtaný uıymdastyrylǵan. Dene shynyqtyrýmen aınalysý úshin jabdyqtalǵan sport zaly bar. Mindetterdi oryndaýdan bos ýaqyt kezinde bitimgerler fýt­bol, voleıbol, shahmat jáne bılıard oınaıdy. Árkim óz otbasymen beınebaılanys arqyly habarlasa alady.

Mıssııa basshylyǵy qazaq­s­tan­dyq bitimgerlerdiń jaqsy da­ıyndyǵy men tártiptiligin atap ótti.