«Atameken» UKP jedel shtabynyń qurylýynyń alǵashqy kúninen bastap túrli salalardaǵy jaǵdaıdy taldaý, kásipkerlerge tótenshe jaǵdaı rejimi kezinde qabyldanǵan tyıym salý men shekteý sharalarynyń saldaryn meılinshe azaıtýǵa múmkindik beretin usynystardy qarastyrý jáne tizim jasaý jumystary bastaldy. Jalpy alǵanda, jedel shtabqa 32 myńnan astam habarlama kelip tústi, onyń ishinde koll-ortalyqqa soǵylǵan qońyraýlar da bar. Saýaldardyń basym kópshiligi jumyspen qamtý jáne salalarǵa qatysty boldy» dedi basqarma tóraǵasynyń orynbasary.
Onyń aıtýynsha, túsken aryz-shaǵymdardyń 74 paıyzynda jumyspen qamtý problemalary, onyń 54 paıyzy qyzmetkerlerdiń merzimsiz demalysqa shyǵýymen baılanysty bolsa, 20 paıyzy jumysshylardyń qyzmetinen qysqarýyna qatysty bolǵan.
«Sonymen birge ótinishterdiń 86 paıyzynda qarjylyq jaǵdaımen baılanysty bolsa, onyń 59 paıyzy jaldaý aqysyn, al 22 paıyzy eńbek aqy tóleý boıynsha mindettemeler, sondaı-aq 5 paıyzy kommýnaldyq qyzmetterdi tóleý boıynsha máselelerdi kótergen. Habarlasqan kásipkerler ótinishiniń 31 paıyzy nesıeni tóleý merzimin keıinge qaldyrýdy surasa, 33 paıyzy fors-major jaǵdaıyn moıyndaǵan, al 28 paıyzy salyq jeńildikterin usynýdy qalasa, 8 paıyzy eńbek resýrstaryn qoldaýdy suraǵan» dedi ol.
