Shynynda, jyly úıde, januıamyzdyń janynda otyrǵan biz osy jóninde oılanyp kórdik pe? Qalypty kezde saıabaqtar men vokzal mańyn torýyldap jan baǵyp júrgender qaıda baryp bas saýǵalady? Bul suraqqa qala ákimi Baqytjan Saǵyntaev jaýap berdi.
– Turǵylyqty meken-jaıy joq tulǵalarǵa qatysty saýaldar kóp boldy. Olar dalada qaldy, eshkimge keregi joq, tipti qalanyń syrtyna shyǵaryp jiberdi degen qaýeset te taraǵan bolatyn. Bul másele bizdiń nazardan tys qalǵan joq. Biz olardyń qozǵalysyn udaıy baqylap otyrmyz, – degen ákim atalǵan tulǵalarǵa arnap 300 oryndyq shatyr qalashyq qurylǵanyn tilge tıek etti.
«Olarǵa arnap kereýet, tósek jaı, kıim-keshek, azyq-túlik daıyndaldy. Aınalasyna blokpost qoıdyq. Jaryqtandyrý ornattyq. Osy adamdardyń keıbirin qarttar úıine ornalastyrýdy oılastyryp jatyrmyz. Arasynda jumys isteýge nıet bildirgenderdi jumyspen qamtýdyń jol kartasyna sáıkes qyzmetke qabyldap jatyrmyz. Olar nazardan tys qalǵan joq», - dedi shahar basshysy.
