«Kúsheıtilgen tótenshe jaǵdaı rejımine qaramastan, jolaýshylardy qaladan Almaty jáne Jambyl oblystaryna zańsyz tasymaldaý faktileri jalǵasýda. Jaqynda polısııanyń jedel-izdestirý sharalary kezinde onnan astam taksı júrgizýshisi ustaldy. Olar qyzmetteri úshin bir adamnan 10 myńnan 20 myńǵa deıin aqsha alǵan»,- dep habarlady qalalyq PD baspasóz qyzmeti.
Qısynsyz iske barǵandardyń barlyǵy tótenshe jaǵdaı rejımin buzǵany úshin zań aldynda jaýapqa tartyldy. Olardy sot kináli dep tapqan. Belgilengen shekteýlerge qaramastan, karantın aımaǵynan shyqqysy kelgen jolaýshylarǵa qatysty da tap osyndaı jaýapkershilik qarastyrylǵan. Olardyń is-áreketteri QR ÁQbK-niń 476-babyna sáıkes qaralady.
