Keshe Qostanaı oblystyq qylmystyq ister jónindegi arnaıy soty aımaq aýmaǵynda esirtki satýmen aınalysqan 16 tulǵanyń ústinen qozǵalǵan qylmystyq isti qaraýdy bastady.
Keshe Qostanaı oblystyq qylmystyq ister jónindegi arnaıy soty aımaq aýmaǵynda esirtki satýmen aınalysqan 16 tulǵanyń ústinen qozǵalǵan qylmystyq isti qaraýdy bastady.
Prosesti júrgizgen oblystyq sottyń tóraǵasy Asylbek Jumaǵulovqa sottalýshylar men olardyń qoǵamdyq qorǵaýshylarynyń anketalyq málimetterin oqyp shyǵý úshin jarty saǵat ýaqyt kerek boldy. Qorǵaýshylar arasynda temir torǵa qamalǵandardyń áıelderi, sondaı-aq analary, ápke-qaryndastary men aǵa-inileri de bar bolyp shyqty.
Prosess eki memlekettik aıyptaýshynyń 112 betten turatyn aıyptaý qorytyndysyn oqýlarynan bastaldy. Onda bul uıymdasqan qylmystyq topta kimniń qandaı qyzmet atqarǵany, qaı kezde qandaı sharýalardy oryndaǵany keńinen baıandaldy. Osyǵan sáıkes esirtki zattaryn kimniń qaı kezde qaltalaǵany, sosyn oǵan zárý azamattarǵa qalaı satqandary aıan boldy.
Esirtki saýdasyna qatysty bul oqıǵalar Tobyldyń jerinde 2011-2012 jyldary óristegen kórinedi. Uıymdasqan qylmystyq toptyń zańǵa qaıshy áreketteri ulttyq qaýipsizdik komıtetine kóp uzamaı belgili bolǵan. Biraq olardy qylmys ústinde ustaýǵa biraz ýaqyt ketken. Aqyrynda top quramyndaǵy Rezeda Asylbaevany birinshi etip qolǵa túsirýdiń oraıy keldi. Munyń sońynan basqalardy ustaýǵa qol jetti.
Murat AITQOJA.
