Memleket basshysy Nursultan Nazarbaev Astanaǵa kezekti otyrysqa qatysý úshin kelgen TMD-ǵa múshe memleketterdiń ishki ister mınıstrlerin qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Memleket basshysy Nursultan Nazarbaev Astanaǵa kezekti otyrysqa qatysý úshin kelgen TMD-ǵa múshe memleketterdiń ishki ister mınıstrlerin qabyldady, dep habarlady Qazaqstan Respýblıkasy Prezıdentiniń baspasóz qyzmeti.
О́z sózinde Qazaqstan Prezıdenti TMD-ǵa múshe memleketter ishki ister mınıstrleriniń alǵashqy keńesi Almatyda ótkenin eske salyp ótti.
– TMD-nyń artyqshylyǵy sol, múshe memleketterdiń basshylary turaqty kezdesip turady, túrli máseleler jóninde pikirlesip otyrady. Memleketterdiń barlyǵy búginde quqyqtyq tártipke múddeli, onsyz eshqandaı reforma da, elderdiń damýy da múmkin emes. Sondyqtan qylmyskerler eshqaıda boı tasalaı almaıtynyn túsinýi úshin ózara kómektiń mańyzy zor. О́ıtkeni, sizder birlese is-qımyl jasap, bir-birińizge qol ushyn berip otyrsyzdar. Munda paıda da kóp, qajettiligi de sonda, – dedi Memleket basshysy.
Nursultan Nazarbaev Qazaqstanda úshinshi jyl qatarynan quqyq qorǵaý salasynda úlken reformalar júrgizilip jatqanyn da aıtyp ótti.
– Kadrlardy aýqymdy attestattaý ótkizildi, quqyq qorǵaý organdarynyń shtat sanyn qysqartý mańyzdy ról atqardy. Osyǵan baılanysty biz polıseılerdiń áleýmettik turǵyda qamtamasyz etilý deńgeıin kúrt arttyrdyq. Olardyń eńbekaqysy men ózge de tólemaqylary áskerı qyzmetshilermen teńestirildi. Qazir Qylmystyq, Qylmystyq-is júrgizý jáne Qylmystyq-atqarý kodeksteriniń jobalary qaralý ústinde. Onyń túpki mán-maqsaty – qylmyssyzdandyrý jáne túrmedegiler sanyn azaıtý, – dedi Qazaqstan Prezıdenti.
Memleket basshysy quqyq tártibin saqtaý kúshteriniń jumys sapasyn baǵalaýǵa degen kózqarastaǵy ózgerister týraly da habardar etti.
– Quqyq qorǵaý organdarynyń ózge elderdiń tıisti vedomstvolarymen ózara is-qımylynyń zor máni bar. Sizder qabyldaıtyn qujattar, kelisimder – elderimizdiń árqaısysy úshin mańyzdy jumys. Sondyqtan men TMD-da Interpoldyń ózimizdegi balamasyn qurýdy usyndym. Bul másele talqylanady, eger sizder qoldasańyzdar, biz memleketterimizdiń aýmaǵynda qylmysqa qarsy birlesip kúresý úshin sondaı bir qurylym qurylatyn bolady, – dedi Nursultan Nazarbaev.
Ishki ister mınıstri Q.Qasymov Keńes otyrysy barysynda Dostastyq elderiniń polısııa qurylymynyń jetekshileri 2020 jylǵa deıingi yntymaqtastyq tujyrymdamasy jobasyn, sondaı-aq buǵan deıin qabyldanǵan qylmysqa qarsy kúrestiń memleketaralyq baǵdarlamalarynyń iske asyrylý barysyn talqylaıtynyn málimdedi.
– Reseı Federasııasy men Belarýs Respýblıkasy ishki ister mınıstrlerimen birlesip biz ózara is-qımyl problemasyn bólek talqylaımyz jáne Keden odaǵy men Birtutas ekonomıkalyq keńistik aýmaǵynda mınıstrlikterimizdiń birlesken jumysynyń odan arǵy baǵyttaryn aıqyndaımyz, – dedi Q.Qasymov.
