Almaty qalasynda nanotehnologııany qoldaný arqyly avtokólikterdi tazartýdyń jańa ortalyǵy ashyldy. «HANIN Industry Development» JShS mundaı zamanaýı júıeni tuńǵysh bolyp otandyq qyzmet kórsetý isine engizip otyr.
Almaty qalasynda nanotehnologııany qoldaný arqyly avtokólikterdi tazartýdyń jańa ortalyǵy ashyldy. «HANIN Industry Development» JShS mundaı zamanaýı júıeni tuńǵysh bolyp otandyq qyzmet kórsetý isine engizip otyr.
Bul ortalyqtyń ereksheligi kólikterdiń árbir tetigin tazartýmen qatar, mashınanyń ishi-syrtyndaǵy aqaýlar men syrylǵan-jyrylǵan jerlerdi qaıta qalpyna keltirip, eski kólikti jańartyp shyǵarýynda bolyp otyr. Arnaıy nanokeramıkalyq qosyndymen tazartý nátıjesinde kez kelgen jeńil kóliktiń paıdalaný merzimi 40 paıyzǵa artyp, satýǵa qoıylatyn mashınalar 10-30 paıyzǵa baǵasy kóterilip shyǵa keledi. Sondaı-aq, nanokeramıkamen tazartylǵan temir uzaq ýaqytqa deıin tot baspaı, tabıǵattyń qandaı da bolmasyn ystyq-sýyǵyna tózimdi keledi eken.
Ońtústik Koreıa ǵalymdary oılap tapqan «SAR SYSTEM» nanokeramıkalyq qosyndysy avtokólikterdiń tazalyǵynan ózge, kún men sýdyń áserinen jáne basqa da tabıǵı sebeptiń yqpalynan mashınanyń túsi óńip ketýinen saqtaıdy. Qozǵalys kezinde kólikterdi maıda tastar men qıyrshyq qumnan, sondaı-aq ysqylap jýǵannan túsetin jeńil-jelpi syzattardan 36 aı boıyna saqtaıtyn da qasıeti bar dep otyr mamandar.
Keleshekte atalmysh kompanııa ókilderi jergilikti ákimshiliktermen kelise otyryp, elimizdiń ár túkpirinen osyndaı qyzmet kórsetý ortalyqtaryn ashýdy josparlaýda.
Qanat ESKENDIR,
«Egemen Qazaqstan».
ALMATY.
