Qoǵam • 20 Sáýir, 2020

Tekserý komıssııasy taǵaıyndaldy

121 ret kórsetildi

Prezıdent janyndaǵy Ortalyq kommýnıkasııalar qyzmetiniń alańynda Áýe qorǵanysy kúshteriniń bas qolbasshysy Nurlan Ormanbetov Qaraǵandy oblysyndaǵy «MıG-31» áskerı ushaǵynyń qulaýyna baılanysty málimdeme jasady.

Onyń aıtýynsha, 16 sáýirde saǵat 19:03-te jaýyngerlik kezekshilikke da­ıyndalý úshin josparly ushý kezinde Qaraǵandy áýejaıynyń ońtústigi tusyn­da Qazaqstan Áskerı-áýe kúshteriniń «MıG-31» ushaǵy apatqa ushyraǵan. Mun­daı oqıǵa «MıG-31» ushaǵyna qatysty alǵashqy ret tirkelip otyrǵan joq.

Ushýdan keıin qozǵaltqyshtardyń birinde órt shyqqan. Ekıpaj ushaqty eldi meken aýmaǵynan buryp jiberý úshin barlyq sharalardy qabyldap, qarapaıym turǵyndarǵa esh qaýip tónbeıtinine kóz jetkizgen soń, ushý jetekshisiniń buıryǵymen katapýltteýge kóshti.

– Bortta 2 ushqysh boldy. Ekıpajdyń daıarlyq deńgeıi josparlanǵan ushý tapsyrmasyn oryndaýǵa sáıkestelgen edi. Ushaqty jalpy ushý ýaqyty 888 saǵatty quraǵan podpolkovnık Arman Qurmanǵalıev pen ushý ýaqyty 1161 saǵattan asqan podpolkovnık Ivan Gav­rılko basqarǵan bolatyn, – dedi N.Ormanbetov.

Alǵash bolyp apat ornyna «Qaz­qutqarý» izdestirý-qutqarý qyzmetiniń kezekshi tikushaǵy, sondaı-aq Áskerı-áýe kúshteriniń jerdegi izdestirý-qutqarý koman­dasy jetti. Ushqyshtarǵa jedel medısınalyq kómek kórsetilip, keıin olar Qaraǵandy qalasyndaǵy oblys­tyq aýrýhanaǵa evakýasııalandy. Qazir­gi ýaqytta ushqyshtarǵa qajetti medısı­nalyq kómek kórsetilýde. Bir ushqyshtyń jaǵdaıyn dárigerler «qanaǵattanarlyq» dep baǵalaýda. Ekinshi ushqyshtyń jaǵ­daıy – «ortasha».

O.Ormanbetovtiń aıtýynsha, Qor­ǵanys mınıstri atalǵan avıasııalyq oqı­ǵany tekserý jóninde komıssııa ta­ǵaıyndady. Apat sebebi anyqtalǵanǵa deıin «MıG-31» ushaqtarynyń ushýy toq­ta­tyldy.

 

Sońǵy jańalyqtar

Jedel jeli qosyldy

Álem • Búgin, 00:28

«Sáýleń bolsa keýdeńde...»

Pikir • Búgin, 00:21

Qýaty mol qurama jem

Ekonomıka • Búgin, 00:14

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar