Adam armanymen asqaq.
Memleket maqsatymen mereıli.
Qazaqstan – armany asqaq adamdar eli, maqsaty mereıli memleket. Altaı men Atyraýdyń arasyn alyp jatqan alyp dalanyń jurty san ǵasyrlar boıy azattyq atty armanyn aıalap, ǵasyrlar toǵysynda, myńjyldyqtar mejesinde oıyndaǵysy oryndaldy. Sol dalada ornaǵan Qazaqstan Respýblıkasy jıyrma jyldan az ǵana astam ýaqytta áýeli el bolyp, es jııýdyń tar jol, taıǵaq keshýinen ótti, qulandydan, qırandydan jańa memlekettiń irgesin bekitip, qabyrǵasyn kóterdi.
Adam armanymen asqaq.
Memleket maqsatymen mereıli.
Qazaqstan – armany asqaq adamdar eli, maqsaty mereıli memleket. Altaı men Atyraýdyń arasyn alyp jatqan alyp dalanyń jurty san ǵasyrlar boıy azattyq atty armanyn aıalap, ǵasyrlar toǵysynda, myńjyldyqtar mejesinde oıyndaǵysy oryndaldy. Sol dalada ornaǵan Qazaqstan Respýblıkasy jıyrma jyldan az ǵana astam ýaqytta áýeli el bolyp, es jııýdyń tar jol, taıǵaq keshýinen ótti, qulandydan, qırandydan jańa memlekettiń irgesin bekitip, qabyrǵasyn kóterdi.
«Kez kelgen halyqqa bárinen buryn asqaq rýh kerek» deıtin Elbasy egemendiktiń eleń-alańynda-aq erteńimizge nyq sendi. Dúnıejúzi qazaqtary quryltaıynyń 1992 jyly ótken alǵashqy májilisinde: «Ornynda bar ońalar» deıtin edi halqymyz. Shúkir, el ornynda, jer ornynda. Jerge jeter eshteńe joq, jerden óter baılyq joq. Jer bolsa – el bolady, el bolsa – er bolady. Osyndaı jerimiz barda, elimiz barda, ózderińizdeı erimiz barda biz eshkimnen kem bolmaımyz! Zaman tynyshtyǵyn berse, búgingi daǵdarystan da shyǵarmyz. Táýelsiz Qazaqstan dáýletine sáýleti saı qýatty memleketke aınalar. Qazaq halqy álemdik órkenıetke qazirgiden góri qomaqty úles qosar. Dalamyzda da, qalamyzda da shadyman turmys, shat tirlik ornar. Buıyrtsa, búgingi Quryltaıǵa qatysqan qadirmendi qonaqtarymyzdyń ózi týǵan Qazaqstanymyzdyń gúldep-kórkeıgenine taıaý jyldarda-aq kýá bolady dep kámil senemiz», dedi. О́ıtkeni, halqyna sendi.
Ol kún de keldi.
Qazaqstan aldymen ózin álemge tanytty, odan keıin moıyndatty, odan keıin qurmettetti. Aldymen úı bolýdy qamdap, óz betinshe memleket qura alatynyn, ózgelermen terezesi teń tura alatynyn tanytty, birte-birte bı túsetin úı bolýdy qamdap, álemniń batysy men shyǵysynan kelgenderge dos peıilin kórsetti, bara-bara ózi de bı bolýdy qamdap, Eýropadaǵy qaýipsizdik pen yntymaqtastyq uıymynyń tóraǵalyǵyna qol jetkizip, tóbebılik etti.
Prezıdent Nursultan Nazarbaev bul bıikti de qanaǵat tutyp qalǵan joq, osydan 4 jyl buryn eldi álemdegi ekonomıkasy básekege barynsha qabiletti 50 memlekettiń qataryna qosý mindetin qoıdy.
Elbasymyz ótken jyldyń aıaǵynda «Qazaqstan – 2050» Strategııasyn jarııalap, onda «Qazaqstan 2050 jylǵa qaraı álemniń eń damyǵan otyz eliniń qatarynda bolýǵa tıis» dep málimdedi. Bul kezde eldiń elýlikke ený maqsaty tolyqtaı oryndala qoıǵan joq bolatyn. Biraq, Nazarbaev ol mindettiń sheshilýi taıaý turǵanyna sendi. О́ıtkeni, halqyna sendi.
Ol kún de keldi.
Búkilálemdik ekonomıkalyq forým 2013 jyldyń 4 qyrkúıegi kúni jahandyq básekelestik týraly jyldyq esebin jarııalap, Qazaqstan osy esep boıynsha álemdegi 148 eldiń arasynan 50-shi oryndy ıelengenin habarlady. «Elýlikke ený – el tarıhyndaǵy erekshe oqıǵa» dep jazdy sol kúnderi «Egemen Qazaqstan».
Aldyńǵy kúni, Damýshy naryqtardyń Eýrazııalyq forýmynda jasaǵan baıandamasynda Elbasymyz memlekettiń álemdegi eń damyǵan 30 eldiń qataryna qosylýynyń jón-jobasyn belgilep, jolyn aıqyndady. «Is-qımyldyń egjeı-tegjeıli jospary jasalyp jatyr jáne jaqyn arada jarııalanatyn bolady», dedi Nursultan Nazarbaev. Áıtse de, biz osy baıandamanyń ózinen memlekettiń mereıli maqsatyna jetýiniń negizgi baǵyttaryn aıqyn kórip otyrmyz.
Týǵan halqyn jan-tánimen súıetin, sýyǵyna tońyp, ystyǵyna kúıetin, oıyn «Maǵan ary úshin janyn sadaǵa etetin osyndaı tekti halyqqa, meni ulym dep, perzentim dep tóbesine kótergen halyqqa, arǵy-bergidegi qazaq balasynyń birde-biriniń peshenesine buıyrmaǵan baqytty – tolyqqandy, táýelsiz memleket qurýdyń basynda bolý baqytyn buıyrtqan halyqqa qyzmet etýden artyq eshteńeniń keregi joq, osy jolda men boıymdaǵy bar qaırat-qabiletimdi, bilim-biligimdi aıamaı jumsaımyn, qandaı táýekelge de baramyn» dep túıetin Prezıdent ýaqyt adamzat aldyna bir synaqtan keıin bir synaqty kóldeneń tartyp turǵan qazirgideı kúrdeli kezeńde de boıyndaǵy basty qýatty elge degen senim
