Til úırenýge kómektesedi

Karantın rejimi bel­gi­lengen Qaraǵandy qala­syn­da búginde 240 volonter jumys istep jatyr. Sar­yarqa Jastary oblystyq volon­­terler shtabynyń je­tek­­shisi Marǵulan Ýálı­uly qoǵamdyq jumys­qa aralasyp, kómek qolyn sozǵysy kelgen volonterler arnaıy saıtqa tirkelip, ózderi týraly aqparat qaldyra ala­­tynyn aıtty. Onyń aı­týyn­­sha, búgingideı shek­teý­ler kezinde bul tásil vo­lonterler úshin tıim­di kó­ri­nedi.

«Arnaıy saıt­qa ózi týraly aqparat qal­dyr­ǵan volonter týraly derek­ter bizge qoljetimdi bola­dy. Odan keıin oblys­tyń qaı aımaǵynan, Qara­ǵan­dy qalasynyń qaı aýda­nynan kómek surap habar­las­qanyna baılanysty sol adamǵa jaqyn tura­tyn volonterdi kómek­ke ji­be­re­miz. Bul volon­ter­ler­diń qaýipsizdigi úshin de, qajet kezde jyldam kómek berý úshin de yń­ǵaı­ly», deıdi volonterler jetek­shi­si.

Volonterler shtabyna kún saıyn mesenattar men demeýshilerden azyq-túlik kelip túsedi. Shtab kúnine 5-6 otbasyny azyq-túlikpen qatamasyz etip júr. Saryarqa Jastarý oblystyq volonterler shtaby ardagerler, zeınetkerler, jalǵyz bas­ty qarttar men múmkindigi shekteýli jandarǵa jáne karantınge jabylǵan úılerdiń tur­ǵyn­daryna azyq-túlik, dári-dármekterdi tegin jet­ki­zý­de. 7 sáýirden 15 sáýirge deıin shtab volonterleriniń kómegimen ótinish bergen 80-nen asa otbasyna azyq-túlik, dári-dármek tegin jet­kizilip, kommýnaldyq qyz­metter tólendi. Oǵan qosa volonterler qoǵamdyq tár­tipti de retteýge atsaly­sa­dy. Máselen, Halyk bank pen «Qazposhta» AQ bólim­she­leriniń aldynda jár­dem­aqyǵa baılanysty kóbeı­gen kezekti retteýge kómektesti. «Bıpek Avto-Azııa Avto» kompanııalar toby volonterlerdiń júrip-turýy úshin kólikpen qam­ta­masyz etken», deıdi Marǵulan Ýálıuly.

Seriktesterdiń qata­ryn­­da jergilikti kásip­ker­­ler, kompanııalar men meı­ramhanalar bar. Atap aıtar bolsaq, Vogue meı­ram­­­hanasy, «900ooo09» avto­mobılıster klýby, QI Trade Kazakhstan kompanııasy, «Kýpı mama» dúkeni, Qaraǵandy obly­sy isker áıelder qaýym­das­­tyǵynyń múshesi Gúlııa Jáńgirovanyń demeý­shi­li­gimen 50 az qamtylǵan otbasy azyq-túlik sebet­teri jáne gıgıena qural­da­ry­men qamtamasyz etildi.

Jalpy, karantın rejimi engizilgeli shtab telefony­na 700-ge jýyq adam habar­la­syp, áleýmettik jeli arqy­ly 200-den astam ótinish kelgen. Oblystyq volonterler shtaby demalyssyz jumys isteıdi.

«Azamat» qoǵamdyq bir­les­tigi Birgemiz: Bilim – Qaraǵandy jobasyn iske qosty.

Atalǵan joba aıasynda arnaıy iriktelgen volon­ter-mentor aýyl mek­tep­­teriniń joǵary synyp oqý­­shylaryna, onyń ishin­de jetim jáne ata-ana qam­qor­lyǵynsyz qalǵan, az qam­tylǵan, kóp balaly otba­sylardyń balala­ryn jáne múgedektigi bar balalardy UBT-ǵa, olım­pıadalarǵa jáne ǵyly­mı-ıntellektýaldyq kon­kýrs­tarǵa daıyndap, aǵyl­shyn tilin oqytý, kom­pıý­terlik jáne quqyq­tyq saýattylyqty artty­rý boıynsha kýrstar uıym­dastyrady. Joba uıym­das­tyrýshylary kýrstar Qara­ǵandy qalasynda jáne oblystyń barlyq eldi­­me­ken­­derinde qarasha aıy­na deıin júrgiziletinin aıta­dy. Kýrsqa qaty­sa­tyn joǵary synyp oqý­shy­­­laryn jobanyń uıym­das­­­ty­rýshylary aýdandyq bilim berý bólimderimen jáne jalpy bilim berý mek­tep­­terimen birlesip anyq­taı­dy.

Sondaı-aq jobaǵa qa­ty­sý úshin bilim berý uı­ym­­darynyń oqytý­shy­la­ry, joǵary oqý oryndary men kolledjderdiń peda­go­gı­ka­lyq mamandyqtarynyń stý­dentteri men Qaraǵandy oblysynyń belsendi azamattary arasynan keminde 100 volonter tańdaý jos­par­lanýda.