Qoǵam • 21 Sáýir, 2020

QMDB: Antıseptık qoldanýǵa bola ma?

446 ret

kórsetildi

1 mın

oqý úshin

Qazir koronavırýs juqtyryp almaý maqsatynda barlyq mekemelerde, saýda ortalyqtarynda, tipti úılerde antıseptık keńinen qoldanylýda. Onyń negizgi quramy spırt bolǵandyqtan, bul týraly musylman qaýymy arasynda suraqtar týyndaýda. Qazaqstan Musylmandary Dinı basqarmasy Sharıǵat jáne pátýa bólimi meńgerýshisiniń orynbasary Hasan Amanqul osy saýalǵa baılanysty jaýap berdi.

Marjan TILEÝBEK

- Ábý Hanıfa men Ábý Iýsýftyń kózqarasy boıynsha júzim jáne qurmadan basqa ónimderden jasalǵan spırtti antıseptık maqsatynda qoldanýǵa ruqsat etiledi. Al qazirgi medısınalyq spırtter júzim jáne qurmadan alynbaıtyny belgili. Antıseptık maqsatynda qoldanylatyn suıyqtyq, medısınalyq spırt nájis bolyp eseptelmeıdi. О́ıtkeni haram nárseniń bári nájis bola bermeıdi. Mysaly, esirtki men ýdyń úkimi haram, biraq ózi taza. Quramynda spırti bar ıissýlar, spırt aralasqan suıyq zattar denege, kıimge tıse nájis bolmaıdy, tıgen jerin jýý da mindetti emes, - delingen jazbada.

QMDB málimetine súıensek, arnaıy antıseptık zattar nemese medısınalyq spırt tabylmasa, zárýlik úkimdi negizge ala otyryp, spırttik ishimdikterdi de antıseptık maqsatynda qoldanýǵa sharıǵat ruqsat etedi. Biraq ol nájis bolǵandyqtan, namaz oqyǵanda spırttik ishimdik tıgen jerdi jýyp tastaý shart.