REACH sertıfıkaty tek halyqaralyq sapa sertıfıkattaryn ıelengen ónimderge ǵana emes, sonymen qatar Eýroodaq reglamentiniń talaptaryna saı keletin ónimderge beriletindigin atap ótken jón.
О́nimdi sertıfıkattaý turǵyndardyń densaýlyǵy men qorshaǵan ortany qorǵaýdyń joǵary deńgeıin, básekelestik pen ınnovasııalardy qoldanýdy arttyra otyryp, hımııalyq zattardyń erkin aınalymyn qamtamasyz etýge baǵyttalǵan. Eýroodaq aýmaǵyndaǵy hımııa ónerkásibindegi barlyq kásiporyndar óndiretin nemese eksportqa shyǵaratyn hımııalyq zattar týraly aqparatty tapsyryp otyrýǵa mindetti.
REACH sertıfıkatyn rásimdeý birneshe kezeńmen júrgizildi. Onyń barysynda tirkeý nómirin alý úshin barlyq qajetti qujattama daıyndaldy, ımporttaýshy – uıymdy, ıaǵnı «AMО́Z» JShS Hımııalyq zattar jónindegi eýropalyq agenttiginde (ECHA) tirkeý, sondaı-aq derekterdi birlesip berý júıesine (Joint Submission) qosý júrgizildi.
Eske sala keteıik, jańǵyrtý kezinde AMО́Z-de salynǵan aromatıkalyq kómirsýtekterdi óndirý kesheni jylyna joba boıynsha 133 myń tonna benzol men 496 myń tonna paraksılol óndire alady.
