«Ústemaqy jumys istegen ýaqytyna sáıkes esepteledi. Biz 10 sáýirde naýryz aıynyń jumys saǵattary boıynsha tólem jasadyq. Birinshi topta – 400 medısına qyzmetkeri, ekinshi topta – 950 dáriger, úshinshi top boıynsha – 543 adam aldy», – dep túsindirdi basqarma basshysy.
Eske sala keteıik, QR Prezıdenti janyndaǵy tótenshe jaǵdaıdy qamtamasyz etý jónindegi Memlekettik komıssııa Memleket basshysynyń tapsyrmasyn oryndaý aıasynda epıdemııaǵa qarsy sharalarǵa qatysqan medısınalyq qyzmetkerlerdiń jalaqysyna aı saıyn ústemaqy taǵaıyndaý týraly sheshimdi bekitti. Memleket basshysynyń tapsyrmasyn oryndaý sheńberinde Nur-Sultan qalasynda epıdemııaǵa qarsy sharalarǵa qatysyp jatqan medısına qyzmetkerlerine qarjy bólýmen aınalysatyn arnaıy komıssııa quryldy.
«Qaýiptiligi asa joǵary jumystaǵy qyzmetkerler úshin ústemaqy kólemi 20 ETJM (850 myń teńgege deıin), qaýiptiligi joǵary sanattaǵylarǵa 10 ETJM (425 myń teńge), al qaýiptiligi ortasha sanattaǵy medısına qyzmetkerlerine 5 ETJM (212 myń teńge) qurady», – dedi «Senim» densaýlyq saqtaý júıesi qyzmetkerleriniń salalyq kəsipodaǵynyń tóraǵasy Rýslan Satybaldıev.
