Basylym avtorynyń pikirinshe, Golovkın meksıkalyq Saýl «Kanelo» Alvaresten (53-1-2, 36 KO) jeńilse de, otandasymyz reıtıngte birinshi orynǵa laıyq dep tanylǵan. Al «Kanelo» ekinshi orynǵa jaıǵasqan.
2010-2019 jyl aralaǵynda qazaqstandyq boksshy kásipqoı boks sharshy alańynda 25 jekpe-jek ótkizip, onyń 23-inde jeńiske jetkeni barshaǵa málim. Bir kezdesýi teń eseppen aıaqtalsa, bireýinde jeńiliske ushyraǵan bolatyn.
«Alvares Golovkındi ekinshi jekpe-jekte jeńgenimen, kezdesý teń dárejede ótti dep esepteımin. Jeńisti qazaqstandyq boksshyǵa da berýge bolar edi. Biraq bul eń bastysy emes. Tipti «Kanelo» Golovkındi nokaýtqa jibergen kúnniń ózinde de GGG báribir reıtıngte birinshi turatyn edi. О́ıtkeni, munyń birneshe sebebi bar. Golovkın 10 jyldyń ishinde tek orta salmaqta judyryqtasyp kelse, «Kanelo» bul salmaqta kóp óner kórsete qoıǵan joq. Sonymen qatar Golovkın 2012-2017 aralyǵynda óz salmaǵyndaǵy TOP-10 boksshynyń altaýyn nokaýtqa jibergenin umytpaǵanymyz jón», dep jazady atalǵan basylym.
The Sweet Science basylymy usynǵan orta salmaqtaǵy úzdik on boksshynyń tizimi tómendegideı:
- Gennadıı Golovkın
- Saýl Alvares
- Serhıo Martınes
- Denıel Djeıkobs
- Denıel Gıl
- Mıgel Kotto
- Bıllı Djo Sonders
- Felıks Shtýrm
- Pıter Kýıllın
- Dmıtrıı Pırog
