Qazaqstandaǵy «Tilder sherýi» aılyǵy aıasynda Semeı qalalyq Dostyq úıinde «Boker» evreı etnomádenı birlestigi jáne «Hesed» ortalyǵynyń uıymdastyrýymen evreı mádenıeti men tilderi kúni – «Rosh-a-shana» merekesi toılanyp ótti.
Qazaqstandaǵy «Tilder sherýi» aılyǵy aıasynda Semeı qalalyq Dostyq úıinde «Boker» evreı etnomádenı birlestigi jáne «Hesed» ortalyǵynyń uıymdastyrýymen evreı mádenıeti men tilderi kúni – «Rosh-a-shana» merekesi toılanyp ótti.
– Evreı tilinde Shana – jyl, Rosh – basy degen maǵynany bildiredi, – dedi jańa jyldyń bastalýymen quttyqtaǵan oblystyq Qazaqstan halqy Assambleıasy Hatshylyǵynyń meńgerýshisi E. Aıazbaev. – Bul kúni evreı halqy bir-birine jaqsy tilekter aıtyp, arazdasqan adamdar bir-birinen keshirim suraıdy. Sonymen birge, qulshylyq jasap, duǵalar oqylady. Rosh-a-shana evreı halqynyń 5772 jańa jyly.
Evreı halqynda mereke kúnderi alma men bal jeý dástúrge aınalǵan jáne bul kúnderi týǵan-týystary men jaqyndaryna, dostaryna jylyń tátti de, jaqsylyqqa toly bolsyn degen quttyqtaý tilekterin jibergen.
Dostyq úıiniń úlken zalyna jınalǵan kópshilikke jańa jyldyń bastalýymen evreı etnomádenı birlestiginiń tóraǵasy I.Borohovskıı, «Hesed» evreı qaıyrymdylyq ortalyǵynyń dırektory A. Rýban tilekterin bildirdi. «Hesed» evreı qaıyrymdylyq ortalyǵynyń jasóspirimder shyǵarmashylyq tobynyń oryndaýynda evreı halqynyń ánderi, bıleri, qyzyqty sahnalyq qoıylymdary oryndaldy. Kishkentaı kórermenge ertegi jazylǵan aýdıojazba, sonymen qatar, ıvrıt tiliniń muǵaliminiń til týraly baıandamasy tyńdaldy.
Ásem án men kúıge bólengen merekelik shara kelgen kópshiliktiń kóńilinen shyqty. Biz aldaǵy ýaqytta óz ultymyzdyń merekelerin ózge halyqpen birlese toılamaqpyz, dedi I.Borohovskıı.
Raýshan NUǴMANBEKOVA.
SEMEI.
