Atap aıtqanda, aýlaǵa dybys kúsheıtkish qurylǵylardy shyǵaryp, mýzykany bar daýysymen qoıǵan er adamǵa qatysty ákimshilik quqyq buzýshylyq týraly 476-bap boıynsha hattama toltyryldy. Kináli 10 aılyq eseptik kórsetkish mólsherinde aıyppul tóleýi nemese 15 táýlikke qamalýy múmkin.
Sondaı-aq tekserý barysynda ıývenaldyq polısııa qyzmetkerleri kósheler men qoǵamdyq oryndarda eresektersiz óz betterimen júrgen 69 jasóspirimdi ustady. Kámelettik jasqa tolmaǵandardyń 54-i orta mektep oqýshylary bolyp shyqty. Osy faktilerdiń barlyǵy boıynsha tártip buzýshylardyń zańdy ókilderine qatysty ákimshilik hattama toltyryldy.
Eske salsaq, oblys ortalyǵyndaǵy Oktıabr aýdany (Maıqudyq) turǵyndarynyń keshkisin kóshede bı bılep júrgenderi týraly beıne kórinister áleýmettik jelilerde keńinen tarap ketken bolatyn. Tártip saqshylaryna kinálilerdi izdep tabýda osy beıne materıaldardyń kómegi tıgen.
