Jalpy reıtıng boıynsha, japonııalyq Rıka Kıhıra 4171 upaımen kósh bastap tur. Kúnshyǵys eliniń ókili keıingi eki jylda tórt qurlyq chempıonatynyń bas júldesin jeńip alǵan. Ekinshi oryndy bıylǵy tórt qurlyq birinshiliginiń kúmis júldegeri amerıkalyq Bredı Tennell ıelendi. Onyń enshisinde 3133 upaı bar. Al úzdik úshtikti 2020 jylǵy Eýropa chempıonatynda ekinshi oryn alǵan reseılik Anna Sherbakova túıindep tur.
Qazaqstandyq mánerlep syrǵanaýshylardan eń úzdik kórsetkish Elızabet Tursynbaevaǵa tıesili. 2019 jylǵy álem chempıonatynyń kúmis júldegeri 1482 upaımen 20-orynda tur. Aıta keteý kerek, 20 jastaǵy otandasymyz bıyl jaraqatyna baılanysty jarystarǵa qatysqan joq. Al bıyl bir ǵana týrnırde baq synaǵan qandasymyz Aıza Mambekova 133-satyǵa jaıǵasqan.
Erler arasyndaǵy reıtıngte Rahat Bralın 135, Nıkıta Manko 150, Mıhaıl Shaıdorov 161-orynda tur.
