Zań jobasynyń maqsaty – Qazaqstan Respýblıkasynyń eńbek qatynastary salasyna qatysty zańnamany odan ári jetildirý jáne damytý bolyp tabylady.
Eńbek qatynastaryn retteý, onyń ishinde azamattardyń eńbek jáne áleýmettik quqyqtaryn tolyq júzege asyrýǵa jaǵdaı jasaý, áleýmettik áriptestikti retteý, onyń ishinde jumys berýshiler men jumysshy ókilderiniń ókilettilik tártibin belgileý, eńbek jáne adam qaýipsizdigin retteý, atap aıtqanda eńbek qaýipsizdigin basqarý júıesin engizý zańnamanyń negizgi mindetterine jatady.
Senator Narıman Tóreǵalıev osy zań jobasy elimizdiń eńbek zańnamasyn halyqaralyq eńbek uıymynyń konvensııalarynda aıtylǵan halyqaralyq standarttarǵa jaqyndatýǵa baǵyttalǵanyn atap ótti. «Zań jobasy eńbek sharttaryn elektrondyq júıelendirý jáne bir júıege shoǵyrlandyrý maqsatynda elektrondyq eńbek kelisimsharttaryn esepke alýdyń biryńǵaı júıesin engizýge baǵyttalǵan», - dedi ol.
Eńbek qatynastaryna qatysty jańa zań jobasyn qabyldaý, jumysshylarǵa laıyqty eńbek jáne turmys jaǵdaıyn qurýǵa, sýbektilerdiń eńbek qatynastarynda jumysshylardyń eńbek jáne jeke basynyń qaýipsizdigi salasyndaǵy tıisti quqyqtary men mindetterin belgileýge, eńbek zańnamasyn qadaǵalaý boıynsha baqylaý júıesin jetildirýge, áleýmettik-eńbek salasynda sıfrlandyrý engizý aıasyn keńeıtýge, eńbek zańnamasyndaǵy tártipter boıynsha túrli túsinispeýshilikke jol bermeýge múmkindik beredi.
Qujat Palata otyrysynyń qaraýyna jiberildi.
