«Jedel áreket etý ortalyǵynyń jumysyna barlyq jumyldyrylǵan qurylymdar men qyzmetterdiń, atap aıtqanda, polısııa, sanıtarlyq-epıdemııalyq qaýipsizdik, áskerı, oblystyq densaýlyq saqtaý basqarmasy, basqa da basqarmalar men departamentterdiń qyzmetkerleri atsalysatyn bolady. Ortalyqqa oblysta bolyp jatqan barlyq oqıǵalar týraly aqparattar kelip túsedi. Jumys tártibi – 24/7. Kelip túsken aqparat odan ári is-qımyl boıynsha usynystardy taldaý jáne ázirleý úshin óte mańyzdy. Iаǵnı týyndaǵan máselelerdi barlyq qyzmetterdiń qatysýymen jedeldetip sheshýge múmkindik týady», dep jazdy óziniń Facebook-tegi paraqshasynda oblys ákiminiń orynbasary Álisher Ábdiqadyrov.
Ortalyqtyń jumysy sanıtarlyq-epıdemııalyq qaýipsizdik jáne dezınfeksııa, azyq-túlik qaýipsizdigi men tirshilikti qamtamasyz etý (TKSh, energetıka), sanıtarlyq blok-beketterdiń is-qımylyn úılestirý jáne basqa da birqatar baǵyttar boıynsha júrgiziledi.
Senim 109 qyzmeti JÁEO-nyń jedel qoldaý jelisi bolady. Turǵyndar bul jelige ózderiniń barlyq máselelerin aıtyp, qyzmetine júgine alady.
«Barlyq qyzmetter birqatar shekteýler jaǵdaıyndaǵy oblystyń tynys-tirshiligin qamtamasyz etýge jumyldyrylady. Basty mindet – koronavırýstyń keń taralýyna jol bermeý, sondaı-aq oblys ekonomıkasyna jáne turǵyndardyń ál-aýqatyna salqyny tııýi múmkin teris áserlerdi azaıtý», dep atap ótti Álisher Ábdiqadyrov.
Sonymen qatar ol karantın jarııalanǵan aımaqtardaǵy kásiporyndarda jumys isteıtin turǵyndardyń tizimi Qaraǵandy, Temirtaý, Saran, Shahtınsk jáne Abaı qalalary ákimdikteriniń kómegimen jasalǵanyn jetkizdi. Búginnen bastap bul qalalarda turatyn azamattar jumysyna baryp-kelýi úshin baqylaý beketteri arqyly ótetin bolady.
Qaraǵandy oblysy
