Eger siz zorlyq-zombylyq qurbany bolsańyz, mamandar sizge myna áreketterdi oryndaýǵa keńes beredi:
Dereý polısııaǵa 102 telefonyna habarlasyńyz. «Sizderge maskalar men antıseptıkter tústi me?» degen qupııa sózdi qoldanyńyz. Osylaısha, otbasyndaǵy zorlyq-zombylyqty jasyryn habarlaýǵa bolady. Sodan keıin turǵylyqty meken-jaıdy kórsetý kerek. Qamqor.gov.kz portaly arqyly onlaın-ótinim jiberýge bolady. «Siz polısııa qyzmetkerinen turmystyq zorlyq-zombylyq bolǵan jerge baryp, quqyq buzýshyǵa qarsy shara qoldanýdy talap etýge quqylysyz», – deıdi departament ókilderi.
Jaraqat alǵan jaǵdaıda 103 telefonyna habarlasyp, jedel járdem shaqyryp, sot-medısınalyq saraptamadan ótýge polısııa qyzmetkerinen anyqtama alý kerek. Sondaı-aq respýblıkada balalar, jastar men eresekterge zorlyq-zombylyq kórsetilgen jaǵdaıda 150 senim telefony táýlik boıy jumys isteıdi. Saýaldardy telefon150.kz saıtynda nemese +77081060810 whatsapp anonımdi nómiri arqyly joldaýǵa bolady.
Sonymen qatar elordada daǵdarys ortalyqtary jumys isteıdi. Onda áıelderge psıhologııalyq jáne zańgerlik kómek kórsetilip, ýchaskelik ınspektorlarmen, qajetti uıymdarmen baılanysý joldaryn usynady. Shaǵymnyń anonımdigi men qupııalyǵyna kepildik beriledi. «О́mirińizge qaýip tóngen jaǵdaıda, kómek curaý úshin ortalyqtarǵa júgine alasyz», – delingen habarlamada.
Ortalyqtardyń meken-jaıy jáne baılanys telefondary:
1) Nur-Sultan qalasy ákimdiginiń «Úmit» daǵdarys ortalyǵy» KMM Senim telefony: +7 7172 49-78-89 e-mail: centr_07_2013@mail.ru
2) «Qorǵaý-Astana» jeke qory Senim telefony: +7 7172 63-46-01, 30-60-73 e-mail: Korgau_astana@mail.ru.
Sondaı-aq Nur-Sultan qalasy ákimdigi janynan áıelderge keńes berip, qajetti qoldaý kórsetetin áıelder isteri jáne otbasylyq-demografııalyq saıasat jónindegi oblystyq komıssııa jumys isteıdi.
Sonymen qatar Nur-Sultan qalalyq polısııa bóliminiń áıelderdi qorǵaý bólimshesi qıyn jaǵdaıǵa tap bolǵandarǵa zań júzinde keńes berýge, turmystyq zorlyq-zombylyq qurbandaryna kómek kórsetý úshin 8 (7172) 71 60 63 senim telefonyn usynady.
