– Jańadan tirkelgenderdiń úsheýi Qyzylorda qalasynan, bireýi Shıeli aýdanynyń Bala bı aýylynan. Qyzylorda qalasynan tirkelgen 2 turǵyn karantındik baqylaýǵa alynǵandardyń arasynan anyqtaldy. Shıeli aýdanyndaǵy naýqas ta buryn indet juqtyrǵan adammen baılanysta bolyp, baqylaýǵa alynǵan, – dedi Jaqsylyq Ábdisámetov.
Bas dáriger ótken táýlikte oblysymyzda koronavırýstyq ınfeksııaǵa baılanysty 1143 test synamasy alynǵanyn atap ótti. Onyń 512-si teris mándi bolyp shyqsa, 629-y áli tekserilý ústinde.
Jaqsylyq Ábilqasymuly óńirde osy ýaqytqa deıin 2484 medısına qyzmetkerinen koronavırýstyq ınfeksııaǵa synama test alynǵanyn málimdedi. Onyń 19-nan ǵana qaýipti indet anyqtalǵan.
Al keshe 16 adam aýrýynan aıyǵyp, úılerine qaıtty. Jalpy osy ýaqytqa deıin jazylyp shaqqandar sany 45-ke jetti.
