Qazy, baýyrsaq, balqaımaq, irimshik, qurt, brynza, qymyz, shubat aq jeleńdi jandardyń ımmýnıtetin kúsheıtip, qunarly da tabıǵı as bolady dedi uıymdastyrýshylar.
Bul týraly Mańǵystaý oblysy kásipkerler palatasynyń baspasóz qyzmeti habarlady.
Mańǵystaýlyq kásipkerlerdiń qoldarynan shyqqan ónimder shyn yqylaspen tabys etildi.
- Otbasynan alys, halyqtyń densaýlyǵy úshin tynymsyz eńbek etip jatqan dárigerlerge osylaı alǵysymyzdy bildirip jatyrmyz. Jergilikti kásipkerler ekken kókónister men qoldan daıyndalǵan tabıǵı ulttyq taǵamdar ákeldik. Úıdiń tamaǵyn saǵynyp, bala-shaǵasyna jete almaı otyrǵan medısına qyzmetkerlerine kúsh-qýat, nár bolsyn degen nıette atqarylǵan sharýa,- deıdi Mańǵystaý oblysy kásipkerler palatasy janyndaǵy KQKO bólim basshysy Erǵalı Ánesov.
Kútpegen jerden kelgen syı-sııapatqa aq halatty abzal jandar rıza boldy. «Kóptegen jerlesterimiz biz úshin alańdap, bizdiń densaýlyǵymyzdy da ýaıymdap jatyr. Osyndaı azyq-túlikke deıin kóptep jetkizýde, alǵysymyz sheksiz»,- deıdi dárigerler.
О́ńirlik kásipkerler palatasynyń bastamasymen osyǵan deıin blok posttarǵa da azyq-túlik jetkizilgen edi.
Mańǵystaý oblysy
