Sáýle Laıyqqyzynyń aıtýynsha, egde adamdar vırýstyq ınfeksııany aýyr kóteredi jáne osynyń saldarynan bolatyn jaǵymsyz boljam bar. О́kpeniń sozylmaly obstrýktıvti aýrýy, bronh demikpesi, ókpeniń ınterstısıaldyq aýrýlary sııaqty tynys alý joldarynyń sozylmaly aýrýlary bar pasıentter birinshi kezekte «táýekel tobynda» bolady, sebebi olardyń tynys alý júıesiniń vırýstyq júktemege qarsylasý qabileti óte tómen.
Osy turǵydan, pýlmonolog dárigerden saýlyqqa muqııat qaraý kerek dep keńes beredi, ol úshin:
– dúnıe júzinde óziniń tıimdiligin kórsetken karantın sharalaryn oryndaý qajet;
– dúkenge aptasyna 2 ret tek qana qajetti azyq-túlikke shyǵý kerek;
– qoqysty meılinshe, basqa adamdarmen qarym-qatynastyń bolý múmkindigi az ýaqytta – tańerteń erte nemese keshki ýaqytta shyǵarǵan durys;
– teledıdardy kúnine tek qana qajetti aqparatty alý úshin 2 saǵattan artyq kórmegen durys;
– tynys alý joldarynyń epıtelıalyq jasýshalaryn qorǵaıtyn A, E jáne S vıtamınderin qabyldaý qajet;
– gıgıena sharalaryn oryndaý kerek.
Oqshaýlaný otbasy múshelerimen birge kóp ýaqyt ótkizýge múmkindik beredi.
– Kúızelisti óz betinshe jeńip shyǵa almaıtyn jalǵyz basty egde adamdardy, balalardy, jasóspirimderdi qoldańyzdar.
– Jaǵymsyz kúızelis adam ımmýnıtetine keri áser beretindikten úreıli kóńil-kúıden alshaq bolyńyzdar.
Zııandy ádetterden, ásirese temeki shegý, jastar ishinde paıda bolǵan elektrondy sıgaretter men kalıan shegýden bas tartýdyń ýaqyty keldi.
Qaýipti ýaqyt ta bitedi, ómir de óz qalpyna keledi, ol úshin ózińizdiń jáne sizdi qorshaǵan adamdardyń densaýlyǵyn saqtaý qajet.
ALMATY
