Qazaqstan prokýratýrasynyń tarıhynda esimi altyn árippen jazylǵan tulǵanyń biri – О́tegen Seıituly Seıitov. Ol halqymyz úshin eń qıyn kezeńde dúnıege kelip, taǵdyrdyń mańdaıyna jazǵan taýqymetine moıymaı, órliktiń, erliktiń úlgisin kórsete bilgen qaıratker edi. О́tegen Seıituly on segiz jyl boıy Qazaq KSR prokýrory qyzmetin atqaryp, qarapaıymdylyǵy men kisiligin asqaqtatyp, kóptiń qurmetine bólendi, batasyn aldy. Sózimizdiń rastyǵyn naqty dáleldermen dáıektep, «búgingi prokýror qandaı bolý kerek?» degen suraqqa О́tegen Seıitov ómiri men taǵylymy arqyly jaýap berýge bolatyn tárizdi.
Qazaqstan prokýratýrasynyń tarıhynda esimi altyn árippen jazylǵan tulǵanyń biri – О́tegen Seıituly Seıitov. Ol halqymyz úshin eń qıyn kezeńde dúnıege kelip, taǵdyrdyń mańdaıyna jazǵan taýqymetine moıymaı, órliktiń, erliktiń úlgisin kórsete bilgen qaıratker edi. О́tegen Seıituly on segiz jyl boıy Qazaq KSR prokýrory qyzmetin atqaryp, qarapaıymdylyǵy men kisiligin asqaqtatyp, kóptiń qurmetine bólendi, batasyn aldy. Sózimizdiń rastyǵyn naqty dáleldermen dáıektep, «búgingi prokýror qandaı bolý kerek?» degen suraqqa О́tegen Seıitov ómiri men taǵylymy arqyly jaýap berýge bolatyn tárizdi.
Adam taǵdyry árqıly qalyptasady. Balalyq shaǵy ashtyq jyldarymen tuspa-tus kelip, anasynan erte aıyrylǵan, jetimdiktiń zardabyn aıaýsyz tartqan О́tegen Seıitulynyń: «Keıde ońasha qalǵanymda ártúrli sebeptermen ómirimniń talaı-talaı belesterin shym-shymdap eske alamyn. О́mir bolǵan soń jaqsylyǵy da, jamanshylyǵy da aralas. Ne de bolsa, bul meniń ómirim, ótken soqpaqtarym. Otyzynshy jyldardaǵy jetim kóńil, ashtyqpen ótken balalyq, onan berirektegi ıyǵymyzǵa bútin kıim ile almaı júrgen qaıran bozbalalyq, oq pen ottyń arasyndaǵy jankeshti maıdan, shybyn jannyń saýlyǵy men beıbit kúnderdiń qyzyǵy, balań mahabbat, qyzmet, turmys sergeldeńi, perzent qyzyǵy, respýblıkalyq dárejedegi qyzmetke kóterilýim – eger osy joldyń barlyǵyn ózim bar bolmysymmen sezinip ótpesem adam senbesteı. Bul – taǵdyr, bul – ómir», degen sózderinde bir adamnyń tutas ǵumyry bir dánniń qaýyzyna syıyp ketkendeı.
О́tegen Seıitovtiń ómirlik maqsaty zańdylyqty saqtaý, qylmys ataýlymen kúresip, azamattardyń quqyǵy men múddesin qorǵaý bolatyn. Ol 1966 jyldyń 28 naýryzynda KSRO Bas prokýrorynyń buıryǵymen Qazaq KSR prokýrory bolyp taǵaıyndaldy. Respýblıka prokýrory bolyp turǵan shaǵynda eldegi ár oqıǵaǵa jeke mán berip, nazarynan tys qaldyrmaýǵa tyrysty. Ásirese, Shymkent qalasynda bolǵan oqıǵa týraly baıandaǵan esteliginen «Ushqynnan jalyn qaýlaıdy» dep buzaqynyń qolynan jaraqat alyp, qaza tapqan adamnyń ólimin qala mılısııasynan kórip, kóterilgen halyqtyń narazylyǵy týraly jan-jaqty baıandap bergen. Kóshede soqqydan esinen tanyp, qulap qalǵan azamat mılısııa bólimshesine jetkizilgende kóz jumady. Kim ekenin anyqtaǵan sátte avtobaza qyzmetkeri ekeni belgili bolady. Aqparatty anyq bilmegen marqumnyń áriptesteri, qalanyń kólik júrgizýshileri otqa maı quıýshy buzyqtardyń sózine ilesip, qala ortalyǵynda mashınalardy bir jerge tirep qoıyp, kólikterdiń júrýine múmkindik bermedi. Qoldaryna benzın tolǵan qutylardy alyp, oblystyq jáne qalalyq ishki ister basqarmasynyń ǵımarattaryn órtep jibergen. Abaqtyny qorshap alyp, ony da órtemekshi bolǵan sátte mılısııa qyzmetkerleri janqııarlyq erlik kórsetip, túrmeniń túgeldeı órtenýine jol bermedi. Shuǵyl tekserý júrgizilip kináliler anyqtaldy. Biraq mundaı arandatýshylardyń lańynan qanshama adam qurban bolyp qanshama adam taǵdyry orny tolmas ókinishke ushyrady. Muny jyldar ótken soń da umyta almaǵan О́tegen Seıituly oqıǵany baıandaý arqyly, mundaı oqıǵalardyń qaıtalanbaýy úshin halyqtyń shynaıy aqparatty bilýiniń mańyzdy ekenin eskertedi. Árıne, kiná eki adam arasyndaǵy janjaldan týyndaǵanyn, mılısııa qyzmetkerleriniń tek kóshede jaraqat alǵan janǵa kómek kórsetkenin bilgende, jappaı tártipsizdik oryn almas edi. Arada qanshama jyldar ótse de álgi keleńsiz jaıtty kúrsinispen esine túsirgen azamattyń óz halqyna janashyrlyǵy anyq baıqalady.
О́tegen Seıitovtiń ómirdiń talaı qıyndyǵyn óz basynan ótkere otyryp jınaqtaǵan tájirıbesi búgingi tańda osy salada qyzmet atqaryp júrgenderge sabaq bolary sózsiz.
Onyń osy laýazymda otyrǵan shaǵynda Almatyda adam jany túrshigetin oqıǵa oryn aldy. Qala halqyn shýlatqan bul jaǵdaı D. degen qylmyskerdiń is-áreketine qatysty edi. Jazyqsyz úsh qyzdyń qanyn moınyna júktep, jıyrma jeti qyzdy zorl
