Ekologııa vıse-mınıstri A.Pirimqulovtyń oıynsha, jańa ekologııalyq kodekstiń jobasyn qarastyrý merzimin bir jylǵa keıinge shegerý elimizdiń birqatar óńirlerindegi jaǵymsyz ekologııalyq jaǵdaıdyń saqtalýyna alyp keledi. «Apta ishindegi statıstıkany alyp qaraıyqshy: «Arselordaǵy» apat», «Teńizdegi» apat... Al bir nemese úsh jyl ishindegi statıstıkany alyp qarasaq, apattar men ekologııalyq zańnamany buzýshylyqty kóptep keltirýge bolady. Al jańa kodeks olardyń aldyn alýǵa yqpal etedi» deıdi ol.
Vıse-mınıstr Kodeks jobasynyń 2018 jyldyń ortasynan bastap bıznes ókilderimen birge talqylanǵanyn, qujatta óndiristik kásiporyndardyń qoljetimdi tehnologııalarǵa aýysýynyń tıimdi merzimderi kózdelgenin aıtty. Kodekstiń jobasy boıynsha bıznes úshin alǵashqy naqty sharalar 2025 jyldan bastap kúshine enýge tıis-tin.
«Jetik qoljetimdi tehnologııalarǵa kóshý- Temirtaý, Balqash, О́skemen, Qaraǵandy sııaqty qalalardaǵy ekologııalyq jaǵdaıdy jaqsartýdyń jalǵyz múmkindigi. О́zge sharalar men tetikterdi kórip otyrǵan joqpyz. Taý-ken metallýrgııalyq keshenin alyp qarasaq, 2008 jyldaǵy daǵdarystan keıingi jaǵdaımen salystyrǵanda qazir metaldarǵa degen baǵa 40 paıyzǵa joǵary. Sondyqtan pandemııaǵa bola, ekokodeksti keıinge qaldyrý durys sheshim emes. Ol - elimizdiń ekologııasy úshin óte tıimdi qujat»,- dep paıymdaıdy A.Pirimqulov.
Ýákiletti organnyń ustanymyn «EcoJer» óńirlik ekologııalyq bastamalar qaýymdastyǵy, Qazaqstannyń ekologııalyq uıymdarynyń qaýymdastyǵy, tabıǵatty paıdalanýshylar qaýymdastyǵy, elimizdiń táýelsiz ekologtary da qoldady.
Atap aıtsaq, Qaraǵandy oblystyq ekologııalyq mýzeıiniń ókili Dmıtrıı Kalmykov jaǵymsyz ekologııanyń saldarynan álemde 4 mıllıonǵa jýyq adam kóz jýmatynyn alǵa tartty. Al Qazaqstannyń ekologııalyq uıymdary qaýymdastyǵynyń jetekshisi Aıgúl Soloveva pandemııa jaǵdaıynda nashar ekologııadan zardap shegip jatqan azamattardyń densaýlyǵy erekshe nazarǵa alyný qajettigin jetkizdi.
Mınıstrlik kásipkerlerdiń usynystaryn qarastyrýǵa jáne qajet bolǵan jaǵdaıda olardy jobaǵa engizýge daıyn ekenin aıtty.
Qymbat TOQTAMURAT
