Sońǵy 10 jylda álemdik munaı baǵasynyń ósimi 3 eseden asyp túsken. Onyń ishinde 2008 jyldan beri birden 2 esege artypty. Árıne, buǵan qarjylyq daǵdarys áser etkeni belgili. Al munaı baǵasynyń ósýi munaı ónimderi men munaı hımııasy qunynyń da qaryshtap kóterilýine septigin tıgizip otyr. Jahandyq jaǵdaıdaǵy osyndaı úderisterdi eskere otyryp, Elbasy óziniń «Qazaqstan-2050» Strategııasynda tabıǵı resýrstardy tıimdi basqarý jáne shıkizat sektorynan túsetin tabysty paıdalaný tujyrymdamasyn ázirleý jóninde Úkimetke tapsyrma bergen bolatyn. Keshe Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda osy másele qaralyp, tujyrymdama jobasy maquldandy.
Tujyrymdama jobasyn Munaı jáne gaz mınıstri Uzaqbaı Qarabalın tanystyrdy. Onda negizinen 8 máselege basymdyq berilgen eken.
Sońǵy 10 jylda álemdik munaı baǵasynyń ósimi 3 eseden asyp túsken. Onyń ishinde 2008 jyldan beri birden 2 esege artypty. Árıne, buǵan qarjylyq daǵdarys áser etkeni belgili. Al munaı baǵasynyń ósýi munaı ónimderi men munaı hımııasy qunynyń da qaryshtap kóterilýine septigin tıgizip otyr. Jahandyq jaǵdaıdaǵy osyndaı úderisterdi eskere otyryp, Elbasy óziniń «Qazaqstan-2050» Strategııasynda tabıǵı resýrstardy tıimdi basqarý jáne shıkizat sektorynan túsetin tabysty paıdalaný tujyrymdamasyn ázirleý jóninde Úkimetke tapsyrma bergen bolatyn. Keshe Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda osy másele qaralyp, tujyrymdama jobasy maquldandy.
Tujyrymdama jobasyn Munaı jáne gaz mınıstri Uzaqbaı Qarabalın tanystyrdy. Onda negizinen 8 máselege basymdyq berilgen eken. Máselen, tabıǵı resýrstardy odan ári zertteý, jańa ken oryndaryn izdeý jáne esepke alý, óndirý qarqynyn arttyrý jáne joǵary álemdik suranysty el paıdasyna asyrý úshin tabıǵı resýrstardy álemdik rynoktarǵa shyǵarý jáne ishki naryqty otandyq óndiristiń janar-jaǵarmaı materıaldarymen qamtamasyz etý, taǵy basqalar. Sonymen qatar, munda shıkizatty shyǵarý jáne qaıta óńdeýdiń jáne jańa óndiristerdi qurýdyń zamanaýı tehnologııalaryn qoldanǵan jaǵdaıda ǵana shetel ınvestısııalaryn tartý úshin jaǵdaı jasaý qarastyrylǵan. Energııanyń balamaly túrlerin óndirýdi damytý, munaı óndiretin kásiporyndardyń ekologııalyq zııansyz óndiristerdi engizýi, kómirsýtek shıkizatynyń strategııalyq qoryn qurý jáne shıkizat sektorynan túsetin kiristi ońtaıly basqarý jaılary da osy basym maqsattardyń qatarynda.
Búginde jahandyq ekonomıkanyń damý qarqynynyń báseńdeýi men keıbir elderdegi resessııa álemdik suranysty tómendetip otyrǵanyn aıtqan Munaı jáne gaz mınıstri onyń esesine álemdik taýar rynoktaryndaǵy báseke aıtarlyqtaı kúsheıgenin atap ótti. U.Qarabalın, sonymen qatar, qorlar boıynsha Qazaqstan álemniń alǵashqy on eliniń qatarynda turǵanyn, bul bizge munaıdy kem degende 50 jyl boıy óndirýge múmkindik berip otyrǵanyn tilge tıek etti.
Osyǵan oraı elimiz qazirden bastap jańa qor kózderin tabý jumystaryn kúsheıtýi kerektigi aıqyn. Bul rette U.Qarabalın elimizdegi qatty paıdaly qazbalar boıynsha geologııalyq bazanyń 80 paıyzy sonaý Keńes ýaqytynda zerttelip, esepke alynǵanyn aıtyp, qarjylandyrý máseleleri jer qoınaýyn ozyq zertteýge bóget bolyp otyrǵanyn alǵa tartty. Negizinen monotehnologııalar paıdalanylýda – keshendi konsentrattardy alý men qaıta óńdeý tehnologııalaryna qaraı júıeli jyljý baıqalmaı otyr, dedi ol. Sonymen qatar, mınıstr Qazaqstanda qazir ońaı shyǵarylatyn munaı kezeńi aıaqtalýǵa jaqyn ekendigin atap ótti. Osynyń saldarynan ken oryndaryn izdestirý men ıgerý qıyndap, kúrdelenip, oǵan jumsalatyn shyǵyndar da kóbeıgen. Endi munaı salasyna qatysty osy jáne ózge de problemalardy sheshýge joǵaryda atalǵan tujyrymdama septigin tıgizýi tıis.
Úkimet basshysy S.Ahmetov bul tujyrymdama jáne tıisti normatıvtik-quqyqtyq aktiler, sondaı-aq, otyn-energetıkalyq keshendi damytý boıynsha strategııany qabyldaý – ken óndirý jáne tabıǵı resýrstardy álemdik rynokqa shyǵarý qarqynyn arttyrýǵa, ishki naryqty jańa ekologııalyq standarttarǵa sáıkes janar-jaǵarmaımen qamtamasyz etýge múmkindik beredi, dedi. Sondaı-aq, tujyrymdama ónerkásipter qazirgi zamanǵy óndirý jáne shıkizatty qaıta óńdeý tehnologııasyn qoldanǵanda, ekologııalyq zalalsyz jańa óndiriste
