Pedagogıka, oqytý ádistemesi jáne oqytý tehnologııalary salasyndaǵy ozyq zertteýlerdiń nátıjelerin úzdik bilim berý baǵdarlamalaryna aınaldyra, muǵalim mamandyǵynyń bedelin arttyra otyryp, ýnıversıtet búgingi tańda el damýynyń qýatty qozǵaýshy kúshine aınalyp otyr.
Qazirgi ýaqytta jas mamandarǵa qoıylatyn mindet, zaman talaptaryna jáne ekonomıkanyń qajettilikterine sáıkes óte joǵary. Bilim berýdiń sapasy men qoljetimdiligi eldiń básekege qabilettiliginiń negizgi faktory bolyp tabylady.
Osyǵan baılanysty bilikti, básekege qabiletti kadrlardy daıarlaýdy júzege asyrý úshin, dýaldy oqytý júıesin qoldaný kerek. Bundaı oqytý júıesi álemdik deńgeıde keńinen qoldanylady. Qazaqstanda biraz ýaqyttan beri dýaldy oqytýdy bilim berý júıesine engizý úderisi júrip jatyr. Dýaldy oqytý júıesi arqyly túlekterdiń jumysqa ornalasý múmkinshilikteri kún sanap artýda, óıtkeni bitirýshi jas túlekter jumys berýshiniń talaptaryna tolyq jaýap berýde.
Dýaldi júıe oqý úrdisinde teorııalyq jáne praktıkalyq daıyndyqty úılestirýge múmkindik beredi. Bilim alýmen qatar stýdentter tańdaǵan mamandyǵyn tikeleı mektepterde praktıkalyq túrde úshtastyrady. Praktıka men teorııalardyń almasýy barlyq oqý prosesi barysynda jalǵasyp otyrady. Tájirıbelik daıyndyq róliniń artýynyń arqasynda, bolashaq mamandar mekteptegi problemalardy oqý barysynda professor-oqytýshylarmen birge talqylaýda.
Abaı atyndaǵy QazUPÝ-niń XXI ǵasyrdyń pedagogıkalyq kadrlaryn daıyndaý úshin, atap aıtqanda Jaratylystaný jáne geografııa ınstıtýtynyń Hımııa kafedrasynda pedagogıkalyq praktıkaǵa dýaldi oqytý elementteri engizildi. 5V011200-Hımııa mamandyǵy boıynsha bitirýshi kýrs stýdentteri 2019 jyldyń 16 qyrkúıegi men 2020 jyldyń 20 sáýiri aralyǵynda jalpy bilim beretin mektepterde sabaqtan qol úzbeı pedagogıkalyq praktıkadan ótti. Dýaldy oqytýdy pedagogıkalyq praktıkaǵa engizý tıimdi oqytý bolyp shyqty, onda praktıkadan ótý kezeńi jumys ótiline qosylady jáne eń bastysy jumysqa ornalastyrýdyń ońtaıly sharttaryn sheshti.
Oqýdan alshaqtamaı pedagogıkalyq praktıkadan ótý jáne oqý jylynyń qyrkúıek aıynan sáýir aıyna deıin uzaq ýaqyt boıy ýnıversıtet qabyrǵalarynda alǵan bilimderin oqý bazalarynda, kásiporyndar men ǵylymı-zertteý uıymdarynda júzege asyrýǵa, oqý bazalarynda sol mamandyqqa beıimdelýge múmkindik beredi, óıtkeni jumys ornynda olardyń bilim sapasy qyzmettik mindetterdi oryndaýmen tikeleı baılanysty.
Abaı atyndaǵy QazUPÝ-niń Jaratylystaný jáne geografııa ınstıtýtynyń Hımııa kafedrasynda engiziletin mamandardy daıarlaýdyń dýaldi júıesi teorııa men tájirıbe arasyndaǵy alshaqtyqty joıdy; bilim alýda joǵary daǵdylardy qalyptastyrdy. Jumysta bilim, mekeme ókilderimen tyǵyz baılanysta jumys jasaıdy, oqý kezinde bolashaq mamandarǵa qoıylatyn talaptardy eskeredi. Bul, bitirgen túlekterdi kepildi jumysqa ornalastyrýǵa yqpalyn jasady.
Qoryta kelgende, Abaı atyndaǵy QazUPÝ-niń bilim berý úderisine dýaldy bilim berýdi engizý bilim, bilik jáne daǵdylardyń sapasyn arttyrýǵa yqpal etedi, sonyń nátıjesinde bilikti de suranysqa ıe maman qalyptasady.
Abaı atyndaǵy QazUPÝ hımııa kafedrasynyń meńgerýshisi Jazıra Muqataeva, tárbıe isi jónindegi dırektor orynbasary Nurlan Manapov, hımııa kafedrasynyń oqytýshysy Nursulu Júsipbekova usynǵan materıalda dýaldy bilim alǵan maman bilikti ári suranysqa ıe bola alatyndyǵy aıtyladyÝnıversıtet túlekteriniń jumysqa ornalasýy, bolashaq talapkerlerdiń mamandyq tańdaýdaǵy oılaryna yqpal etip, bolashaq stýdentter JOO-nyń pedagogıkalyq baǵyttaǵy mamandyǵyn maqsatty túrde tańdaı alady.
ALMATY
