Almatydaǵy QR Prezıdenti Is basqarmasynyń medısınalyq ortalyǵynda ashyq esik kúni ótti. Igi sharaǵa 500-den astam almatylyqtar qatysyp, klınıkanyń úzdik professorlary men dárigerlerinen tegin keńes aldy.
Almatydaǵy QR Prezıdenti Is basqarmasynyń medısınalyq ortalyǵynda ashyq esik kúni ótti. Igi sharaǵa 500-den astam almatylyqtar qatysyp, klınıkanyń úzdik professorlary men dárigerlerinen tegin keńes aldy.
Sońǵy jyldary mundaı aksııa ótkizýdi atalmysh ortalyq dástúrge aınaldyrǵan. QR Prezıdenti Is basqarmasy medısınalyq ortalyǵy bas dárigeriniń emhana jónindegi orynbasary Sholpan Aıýpovanyń aıtýynsha, buǵan deıin ashyq esik kúni jylyna eki ret ótkizilse, aldaǵy ýaqytta úsh ret uıymdastyrý josparda tur eken.
Bul joly densaýlyqtaryn teksertip, dárigerlerdiń qabyldaýynda bolǵan kelýshilerge 41 arnaýly maman qyzmet kórsetken. Olardyń barlyǵy derlik ortalyqtyń jetekshi mamandary. Mundaǵy dárigerlerdiń deni jylda arnaıy semınarlarǵa qatysyp, shetelderde tájirıbelerin arttyryp, biliktilikterin shyńdaǵan kásibı mamandar. Onyń ústine búginde ortalyq zamanaýı tehnologııalarmen, qurylǵylarmen jabdyqtalǵan. Sondyqtan da, kelýshiler bir emes, eki-úsh mamanǵa qaralyp, ózderine kórsetilgen qyzmetke kóńilderi tolyp, rıza bolyp qaıtýda.
Sonymen qatar, aksııada ýltradybystyq dıagnostıka, rentgen, kardıogramma, zerthana, t.b. qyzmetterge 50 paıyzdyq jeńildik jasaldy. Al birneshe medısınalyq fırmalar qant mólsherin, holesterındi tegin anyqtap berdi.
– Ashyq esik kúni óte jaqsy uıymdastyrylǵan. Maǵan, ásirese, ortalyq dárigerleriniń kelýshilerge degen yqylasy unady. Olarǵa kóp rahmet. Bári de iltıpatpen qabyldap, bilimdi, bilgir maman retinde saýatty keńes berip, rıza bolyp qaıtyp baramyz, – dedi orta jastaǵy qala turǵyny N.G.Tımofeeva. Al ózin Rashıda Májıtqyzy Ismaıylova dep tanystyrǵan apaı mundaı jaqsylyq habardy qurbysynan estigenin, ony tańǵaldyrǵany adam kóp jınalsa da aksııanyń yń-shyńsyz, tártippen, jaýapty ótkenin basylym betinde jetkizýdi ótindi.
Gúlzeınep SÁDIRQYZY,
«Egemen Qazaqstan».
ALMATY.
