shuǵyl jaǵdaılarda onyń jaqyndaryna eskertýsiz jasalýy múmkin
Endigi jerde elimizde adam organdaryn shuǵyl transplantasııalaý naýqas týystarynyń qaıda ekeni belgisiz bolǵan jaǵdaıda olarǵa eskertilmeı-aq júrgiziletin bolýy ábden múmkin. Qazir «Halyq densaýlyǵy jáne densaýlyq saqtaý júıesi týraly» kodekske osyndaı ózgeris engizý usynylyp jatyr.
shuǵyl jaǵdaılarda onyń jaqyndaryna eskertýsiz jasalýy múmkin
Endigi jerde elimizde adam organdaryn shuǵyl transplantasııalaý naýqas týystarynyń qaıda ekeni belgisiz bolǵan jaǵdaıda olarǵa eskertilmeı-aq júrgiziletin bolýy ábden múmkin. Qazir «Halyq densaýlyǵy jáne densaýlyq saqtaý júıesi týraly» kodekske osyndaı ózgeris engizý usynylyp jatyr.
«Naýqas týystarynyń nemese zańdy ókilderiniń turǵylyqty jerleri belgisiz bolǵan jaǵdaıda shuǵyl transplantasııalaý olardyń kelisiminsiz dárigerler konsılıýmynyń sheshimi boıynsha júrgiziledi. Bul týraly medısınalyq qujattamada mindetti túrde jazylyp, sońynan densaýlyq saqtaý organdary laýazymdy tulǵalaryna jetkiziledi», delingen kodekske ózgerister jobasy tusaýkeseri barysynda Májiliste taratylǵan habarlamada.
Qujattyń tusaýkeserin júrgizgen Densaýlyq saqtaý mınıstrliginiń jaýapty hatshysy Serikbol Mýsınovtyń sózine qaraǵanda, jobada budan basqa adamnyń ómiri men densaýlyǵy úshin qaýipti aýrýlary anyqtalǵan tulǵalardyń, sondaı-aq ekiqabat áıelderdiń tiri donor bola almaıtynyn anyqtaý josparlanǵan.
Málim bolǵandaı, Qazaqstanda qazir eki myńǵa jýyq adam donorlyq organdarǵa muqtaj. Atap aıtqanda, búırektiń transplantasııasyna 1609 syrqat zárý bolsa, 80 naýqas júrekti jáne 268 aýrý baýyrdy aýystyrýǵa qatty zárý bolyp otyr. Vedomstvo ókili sonymen birge, osy tusta respýblıkada otandyq transplantologııanyń damýy barǵan saıyn qaryshty qarqyn alyp kele jatqanyna da erekshe nazar aýdardy. Eger elimizde 2009 jyly organdar men súıek maıyna bar-joǵy 4 ota jasalǵan bolsa, olardyń sany 2012 jyly 74-ke jetti, al bıylǵy jyldyń birinshi jartysynda 93-ke toldy.
Osy rette Densaýlyq saqtaý mınıstrligi elimizde birtutas donorlar regıstrin qurýdy josparlap otyr. Mınıstrlik janyndaǵy medısınalyq kómekti uıymdastyrý departamentindegiler bul regıstrde sondaı-aq donorlyqqa kelisim berý jáne bermeý tirkelimi de bolýy qarastyrylatynyn aıtýda. Dárigerler pasıenttiń tilegin onyń ólimi týraly derek resmı tirkelimge alynǵannan keıin ǵana bile alady. Bul júıe mınıstrliktiń basqa da aqparattyq qyzmetimen baılanysty qorǵalǵan arnalary boıynsha birlese jumys atqaratyn bolady.
Rýslan IGILIK.
