«Eýrazııa-2013»ataǵy jer jarǵan qazylar alqasymen erekshelenýde

Almatyda IX Halyqaralyq «Eýrazııa» kınofestıvali saltanatty bastaldy. Dástúrge aı­n­­al­ǵan aıtýly shara bıyl Qala kúnimen sáıkes kelip otyr. Al oń­tús­tik astanada mádenı oqı­ǵa aıasynda álemniń áıgili kıne­ma­to­grafısteri men dańqy dúnıege málim kıno juldyzdary jınaldy.

Festıval ádettegideı Qyzyl kilem ústinde kınojuldyzdary men otandyq óner maıtalmandarynyń sherýimen bastaldy.

Almatyda IX Halyqaralyq «Eýrazııa» kınofestıvali saltanatty bastaldy. Dástúrge aı­n­­al­ǵan aıtýly shara bıyl Qala kúnimen sáıkes kelip otyr. Al oń­tús­tik astanada mádenı oqı­ǵa aıasynda álemniń áıgili kıne­ma­to­grafısteri men dańqy dúnıege málim kıno juldyzdary jınaldy.

Festıval ádettegideı Qyzyl kilem ústinde kınojuldyzdary men otandyq óner maıtalmandarynyń sherýimen bastaldy.

Biz buǵan deıin de qazylar alqasyna jańazelandııalyq jazýshy jáne Kann kınofestıvalinde «Altyn palma butaǵy» júldesin jeńip alǵan («Pıanıno») tuńǵysh áıel kınorejısser, sondaı-aq, «Oskar» syılyǵy, Venesııa kı­nofestıvaliniń «Kúmis arystan» júldesiniń ıegeri Djeın Kempıon tóraıymdyq etetindiginen habardar etkenbiz. Aıtýly juldyzdar legi týraly aqparattar aqıqatqa aı­nalyp, ashylý saltanatynda «Moıa prekrasnaıa nıanıa» serıaly boıynsha Konstantın rólimen áb­den tanymal Borıs Smolkındi, ta­nymal akterler Alena Iаkovleva men Andreı Gaıdýlıandardy kór­dik.

Jylyna bir ret oralatyn bul oqıǵa otandyq kınomaıtalmandarynsyz ótpeıdi. Qalyptasyp qalǵan dástúr boıynsha qyzyl kilemge Asanáli Áshimovtiń otbasy shyǵyp, bul sherýdi jas óner juldyzdary uzartady. Respýblıka saraıy aldyndaǵy sherýde Azız Beıshenalıev («Lıkvıdator»), Emır Baıǵazın, Azız Jambakıev, Renat Ǵaısın, Berik Aıtjanov, Sergeı Pogosıan, Asylhan Tólepov, Qarlyǵash Muhamedjanova, Ásel Saǵatova, Quralaı Anarbekova, Aısulý Ázim­baevalar kezegimen óz kórer­menderimen dıdarlasty.

Kınosúıer qaýym taǵatsyzdana kútken talanttyń biri – áıgili fran­sýz kompozıtory, shansone, akter jáne qoǵam qaıratkeri Sharl Aznavýr bolatyn.

Fransýz shansony taıaý kúnderi ǵana EMA-2013 mýzykalyq ma­ra­pattaý rásimine qatysyp, «Álem­dik mýzyka ónerine qosqan úlesi úshin» nomınasııasy boıyn­sha eń salmaqty júldeni jeńip al­ǵan-dy. Sondyqtan kóńili toq, qa­dirli qonaǵymyz aǵynan ja­ry­­lyp, baspasóz máslıhatynda jýr­­nalısterdiń barlyq suraǵyna emen-jarqyn jaýap berýge ýaqyt tapty.

– Qandaı da bir marapatqa ıe bolý janyma jaǵatynyn jasyrmaımyn. О́ıtkeni, ataq ta júlde de meni kesh izdep tapty. Jáne men ózimdi eshqashan keremet jul­dyz dep eseptegen emespin, bar bolǵany shyǵarmashylyqtyń u­s­tasy bolyp keldim, – deıdi myń­da­ǵan ánniń avtory.

Taǵdyry men talanty ony búkil ǵumyrynda Fransýa Trıýf­fo, Klod Shabrol, Jana Kokto, Edıt Pıaf, Frenka Sınatrý Lý­chano Pavarottı, Plasıdo Do­mın­go jáne Selın Dıonmen toqaı­lastyryp, onyń ánderin Reı Charlz, Bob Dılan men Laıza Mınellı syndy álemdik deń­geı­degi daryndar oryndaıty­nyn, oǵan jáne dúnıeniń barlyq bu­­ry­shynda shyǵarmalary kún saıyn myń ret shyrqalyp jata­tyn­­dyǵyn qosyp qoısaq, mundaı sırek talant ıesin «Eýrazııa» kıno­festıvali endi qashan kóreri neǵaıbyl.

Jer sharynyń tórt buryshyn túgel aralaǵan aty máshhúr qonaq Qazaqstanǵa birinshi ret kelip otyr. Alǵash ret qazaq jerine qa­dam basqan ataqty jan osy jer­den de óziniń eski de jańa dos­taryn keziktirip, qazaqtyń qonaq­jaı­lylyǵynan qýatyna qýat qo­sylǵanyn aıtady. Onsyz da jany jaısań fransýz mun­daı yqylastan jansaraıy baıyp qalǵanyn jetkizip, «Eý­ra­zııa» kınofestıvaliniń uıym­das­tyrylýyna óte jaqsy baǵa bergenin qaperge alýǵa bolady.

Qyzyl kilem sherýine Aznavýr myrza uly Nıkolaspen shyqty. Amandyq bolsa, bir jyldan soń 90 deıtin jasty moıyndatatyn akter áli de tartymdylyǵyn bir túıir de joǵaltpaǵan.

Sh.Aımanov atyndaǵy «Qa­zaq­fılm» AQ prezıdenti Er­mek Amanshaev «Eýrazııa» kıno­festıvali búginde álem kıne­ma­tografısteriniń kásibı alańyna aınalyp kele jatqandyǵyn atap jáne osyǵan úles qosyp jat­qan jandarǵa, qazaqstandyq kı­no­ındýstrııanyń d