Aımaqtar • 29 Sáýir, 2020

O.Orazalın «Qazhrom» TUK» № 4 balqytý sehyndaǵy peshti qyzdyrý rásimin bastap berdi

35 ret kórsetildi

29 sáýir, sársenbi kúni oblys ákimi Ońdasyn Orazalın Aqtóbe ferroqorytpa zaýytynda bolyp, balqytý sehyndaǵy  peshti qyzdyrý rásimin bastap berdi. Aıtyp óteıik, eldegi  TJ  kezinde «Qazhrom» mamandary qysqa merzimde № 4 balqytý sehynyń №43 peshine josparly kúrdeli jóndeý jumystaryn júrgizip shyqty. Bul ferrohrom óndirýde kóńil qýantarlyq kórsetkishterge jetýge sep bolmaq.

Kompanııa basshylyǵy oblys ákimine bastapqyda  mańyzdy joba Reseı men OAR merdiger kompanııalaryna senip tapsyrylymaq bolǵanyn, alaıda COVID-19 pandemııasyna baılanysty merdiger kompanııa jumysty bastaı almaıtyndyǵyn jetkizdi. «Buryn-sońdy Aqtóbe ferroqorytpa zaýytynda mundaı  aýqymdy jumystardy óz kúshimizben oryndap kórmegen edik. Biraq tótenshe jaǵdaı sharttaryna sáıkes, bizge ózgeshe syn boldy. Bastapqyda, biz belgilegen merzimge eshkim senbedi. Jumysty oryndaý úshin biz buryn osyndaı tájirıbe jınaqtaǵan Aqsý qalasyndaǵy fılıalymyzdan jóndeý qyzmeti mamandaryn aldyrttyq. О́ńir basshysynyń qoldaýynyń  arqasynda olar Aqtóbege ótetin blok-beketterden esh kedergisiz ótti. Bul bizge mańyzdy jobany ýaqytynda júzege asyrýǵa múmkindik berdi»,- dedi «Qazhrom» TUK» AQ prezıdenti Arman Esenjolov. 

Nátıjesinde, jóndeý jumystaryn álemdik kompanııanyń talap etken merziminen buryn, ıaǵnı 65 táýlikke josparlanǵan jumystardy 54 táýlikte aıaqtap shyqty.  Joba quny 7 mlrd. teńgeden asady. Búgingi tańda zaýytta jumystyń kelesi kezeńi – amerıkandyq «Hotwork» kompanııasy júzege asyratyn peshti qyzdyrý jumysy bastaldy. Kúrdeli jóndeýge deıin № 43 pesh 40-50 MVt qýatpen jumys istedi. Tııanaqty iske asyrylǵan aýqymdy jumys nátıjesinde pesh qýatyn 2020 jyldyń ekinshi jartyjyldyǵynda 65-70 MVt-qa deıin jetkizýge múmkindik bar.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar