Qalalyq №2-shi órt sóndirý bóliminiń 3 órtsóndirgish mashınalary dabyldaryn bezildetip jurttyń nazaryn ózine aýdardy.
Abyroı bolǵanda órtsóndirýshilerdiń jedel qımyldarynyń nátıjesinde tilsiz jaý jyldam quryqtaldy. Toǵyz órtsóndirýshi az ýaqytta 36 turǵyndy órtten evakýasııalap úlgerdi. О́rt 3-shi qabattaǵy bir úıdiń balkonynan shyqqan eken. О́rtsóndirýshiler oǵan baspaldaqpen syrttan kirip, otty jyldam óshirdi. Ot páterdi sharpyǵanymen ishke jaıylyp úlgermedi. Sonymen birge kórshi páterlerge de zardabyn tıgizgen joq. Tek úıdiń kireberisine tútin tolyp ketken.
Qazir órttiń shyǵý sebepteri anyqtalýda. Bul jyl basynan bergi oblystaǵy 181-shi órt. Byltyrǵy jyldyń sáıkes merzimimen salystyrǵanda bul 17 paıyzǵa az bolǵanymen tıgizgen zalaldary kem emes. On alty adam órttiń saldarynan mert boldy, sonyń ishinde ekeýi bala. Keltirilgen materıaldyq shyǵyn 28 mln teńgeden asyp otyr. Sondyqtan TJ departamenti turǵyndarǵa órtten saq bolý qajettigin únemi eskertip otyrady.
