Elordada «Zeınetaqy júıesin jańǵyrtýdyń genderlik aspektileri» atty semınar-keńes bolyp ótti. Oǵan Prezıdent keńesshisi, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova, Eńbek jáne halyqty áleýmettik qorǵaý mınıstri Tamara Dúısenova, «Bas redaktorlar klýby» qoǵamdyq birlestiginiń prezıdenti Kenjebolat Joldybaı, sondaı-aq, birqatar respýblıkalyq buqaralyq aqparat quraldarynyń ókilderi qatysyp, óz oı-pikirlerin ortaǵa saldy.
Elordada «Zeınetaqy júıesin jańǵyrtýdyń genderlik aspektileri» atty semınar-keńes bolyp ótti. Oǵan Prezıdent keńesshisi, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova, Eńbek jáne halyqty áleýmettik qorǵaý mınıstri Tamara Dúısenova, «Bas redaktorlar klýby» qoǵamdyq birlestiginiń prezıdenti Kenjebolat Joldybaı, sondaı-aq, birqatar respýblıkalyq buqaralyq aqparat quraldarynyń ókilderi qatysyp, óz oı-pikirlerin ortaǵa saldy.
«Memleket basshysynyń 2012 jylǵy 27 qańtardaǵy «Áleýmettik-ekonomıkalyq jańǵyrtý – Qazaqstan damýynyń basty baǵyty» atty el halqyna Joldaýynda jáne Úkimettiń bıylǵy jylǵy qańtarda ótken keńeıtilgen otyrysynda bergen tapsyrmalaryn oryndaý maqsatynda Qazaqstanda zeınetaqy júıesin kezeń-kezeńimen jańǵyrtý júrgizilýde», dedi otyrysta Eńbek jáne halyqty áleýmettik qorǵaý vıse-mınıstri Svetlana Jaqypova. Sondaı-aq, ol jańǵyrtýdyń maqsaty zeınetaqymen qamsyzdandyrýdyń kóp deńgeıli úlgisin saqtap, joǵaltylǵan tabysty zeınetaqy tólemimen almastyrý mólsherlemesin arttyra otyryp, azamattardy zeınetaqymen qamsyzdandyrý salasyndaǵy tutas memlekettik saıasatty qalyptastyrý men zeınetaqy júıesiniń qarjylyq turaqtylyǵyn qamtamasyz etý bolyp tabylatyndyǵyn tilge tıek etti.
Jıynda BAQ ókilderi tarapynan da birqatar máseleler kóterildi. Máselen, demografııany kóterýde bosanǵan áıelderdiń qasynda erine keminde 40 kúndik demalys berilý kerektigi jaıynda usynys aıtyldy. Qalaly jerlerde týǵan-týyssyz bosanǵan áıelge aıaq-qolyn baýyryna alǵansha erinen basqa kim qaraıdy, sondyqtan muny da eskergen jón degen pikirler de nazardan tys qalmady.
Semınar-keńesti qorytyndylaǵan Prezıdenttiń keńesshisi, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy G.Ábdiqalyqova atalǵan sharaǵa BAQ ókilderiniń arnaıy kelip qatysyp, usynys-pikirler aıtqanyna rızashylyǵyn aıta kele, kóterilgen máseleler jóninde jumystar júrgiziletindigin jetkizdi.
Ábdirahman QYDYRBEK,
«Egemen Qazaqstan».
