Astanada Qazaqstan Respýblıkasynyń Qorǵanys mınıstri Ádilbek Jaqsybekovtiń Pákstan Islam Respýblıkasy Qurlyq áskerleriniń bas qolbasshysy, general Ashfak Kaıanımen kezdesýi ótti.
– Pákstan Ońtústik Azııa aımaǵyndaǵy Qazaqstannyń negizgi seriktesteriniń biri bolyp tabylady jáne bizdiń el de keleshekte ekijaqty qarym-qatynastyń nyǵaıa túsýine múddeli.
Astanada Qazaqstan Respýblıkasynyń Qorǵanys mınıstri Ádilbek Jaqsybekovtiń Pákstan Islam Respýblıkasy Qurlyq áskerleriniń bas qolbasshysy, general Ashfak Kaıanımen kezdesýi ótti.
– Pákstan Ońtústik Azııa aımaǵyndaǵy Qazaqstannyń negizgi seriktesteriniń biri bolyp tabylady jáne bizdiń el de keleshekte ekijaqty qarym-qatynastyń nyǵaıa túsýine múddeli.Qazaqstan Prezıdenti – Qazaqstan Qarýly Kúshteriniń Joǵarǵy Bas qolbasshysy Nursultan Nazarbaev bizdiń memleketterimizdiń arasyndaǵy baılanystar dostyq pen ózara túsinistikke, yntymaqtastyqqa negizdelgendigine árqashan senim bildiredi. Eki el Qarýly kúshteriniń arasyndaǵy tájirıbe almasý áskerı yntymaqtastyqtaǵy basym baǵyttardyń biri, – dep atap ótti Qazaqstan qorǵanys vedomstvosynyń basshysy A.Kaıanımen ekijaqty kezdesý kezinde.
О́z kezeginde general A.Kaıanı Pákstan armııasynyń terrorıstik qaýip-qaterge qarsy mol tájirıbesi jınaqtaǵanyn, búginde Pákstan BUU-nyń bitimgerlik mıssııasynda iri áskerı kontıngenti barlyǵyn jáne osy baǵytta óziniń tájirıbesimen bólisýge daıar ekendigin aıtty.
Taraptar óńirlik qaýipsizdik máselelerin jáne 2014 jyly AQSh pen NATO áskerlerin shyǵarǵannan keıingi Aýǵanstandaǵy jaǵdaı barysyn talqylady.
– Qazaqstan Aýǵanstandaǵy qarsy jaqtardyń ymyralasýyna jáne ekijaqty baılanystardyń beıbit jolmen damýyna múddeli. Biz Pákstandy aýǵan máselesin retteýge qatysýshylardyń biri retinde qarastyramyz, – dep atap ótti Qazaqstan Qorǵanys mınıstrliginiń basshysy.
Á.Jaqsybekov A.Kaıanıdi Qazaqstan qorǵanys-ónerkásip kesheniniń damý barysymen tanystyrdy jáne pákstandyq kompanııalardy halyqaralyq qarý-jaraq, áskerı tehnıka jáne áskerı tehnıkalyq múlik «KADEX-2014» kórmesine qatysýǵa shaqyrdy. О́z kezeginde general qazaqstandyq qorǵanys-ónerkásiptik keshenniń kásiporyndarymen yntymaqtastyqqa qyzyǵýshylyq tanytty.
Kezdesý sońynda Á.Jaqsybekov Qazaqstan-Pákstan áskerı yntymaqtastyǵy uzaq merzimdi perspektıvaǵa ıe bolatynyna jáne aıtarlyqtaı dárejede eki eldiń qaýipsizdigin nyǵaıtýǵa yqpal etetinine senim bildirdi.
«Egemen-aqparat».
