Májilis Tóraǵasy Nurlan Nyǵmatýlınniń jetekshiligimen ótken palatanyń keshegi jalpy otyrysynda Balqash jylý elektr stansasyn salý, TMD-ǵa múshe elderdiń adamdardy memleketaralyq izdeýge qatysty zań jobalary talqyǵa salyndy.
Kún tártibinde «Qazaqstan Respýblıkasynyń sot júıesi men sýdıalarynyń mártebesi týraly» zań jobasy jáne Sot tóreligin odan ári jeńildetý, tóreshildik rásimderdi azaıtý máseleleri boıynsha keıbir zańnamalyq aktilerge ózgerister engizýdi kózdeıtin zańdyq qujatta zańnamalyq aınalymǵa alyndy.
Májilis Tóraǵasy Nurlan Nyǵmatýlınniń jetekshiligimen ótken palatanyń keshegi jalpy otyrysynda Balqash jylý elektr stansasyn salý, TMD-ǵa múshe elderdiń adamdardy memleketaralyq izdeýge qatysty zań jobalary talqyǵa salyndy.
Kún tártibinde «Qazaqstan Respýblıkasynyń sot júıesi men sýdıalarynyń mártebesi týraly» zań jobasy jáne Sot tóreligin odan ári jeńildetý, tóreshildik rásimderdi azaıtý máseleleri boıynsha keıbir zańnamalyq aktilerge ózgerister engizýdi kózdeıtin zańdyq qujatta zańnamalyq aınalymǵa alyndy. Zań jobalary sottardyń táýelsizdigin kúsheıtip, sot laýazymyna kandıdattardy irikteý rásimderin jetildirýge baǵyttalǵan. Jáne de sýdıalyq korpýsty qalyptastyrýda qoǵamnyń rólin arttyrýdy kózdeıdi.
Mundaǵy jańalyq sottarǵa sheshimi áli zańdyq kúshine kirmegen is boıynsha kópshilik aldynda jeke pikirin bildirýge bolmaıtyndyǵy bekitiledi. Sondaı-aq, sot rásimderin jeńildetý boıynsha qosymsha sharalar retinde dáleldemelerdi qashyqtyqtan zertteý jáne iske qatysýshy adamdardyń túsiniktemelerin beınebaılanys quraldarynyń kómegimen tyńdaý múmkindigin kózdeý usynylady.
Budan basqa, otyrysta Parlament depýtattary D.Nazarbaeva, G.Iqsanova, S.Bychkova, O.Kıkolenko, L.Poltorabatko, A. Samaqova, E.Tarasenko bastamashy bolǵan Turmystyq zorlyq-zombylyqqa qarsy is-qımyl máseleleri boıynsha keıbir zańnamalyq aktilerge ózgerister engizýdi qarastyratyn zań jobasy da óndiriske alyndy.
Jańa zańdyq qujatta otbasynyń ómirlik qıyn jaǵdaıda júrgen kámeletke tolmaǵan balalary men ózge de múshelerine ýaqytsha qorǵanshylyqty aıqyndaý kórinis tapqan. Turmystyq zorlyq-zombylyq jasaǵan adamǵa jeke turǵyn úıde, páterde nemese ózge de turǵyn úıde jábirlenýshimen birge turýǵa jáne janjaldasýshy bir nemese eki tarapqa qandaı da bir múliktik quqyqtardy berýdi nemese ótkizýdi júzege asyrýǵa tyıym salynyp otyr.
Sondaı-aq, kún tártibinde elimiz ben Azııa Damý banki arasyndaǵy Qaryz týraly kelisim de ratıfıkasııalaný úshin qorytyndy ázirleýge alyndy. Atap aıtqanda, kelisim Batys Eýropa – Batys Qytaı tranzıt dáliziniń sheńberinde Shymkent – Tashkent ýchaskesin damytý úshin qaryz berý máselesin qamtıdy. Kelisimge sáıkes 125 mıllıon AQSh dollary somasyndaǵy qaryz Qazaqstan Respýblıkasyna 16 jylǵa berilip otyr.
Májilis agroónerkásiptik keshen máseleleri boıynsha depýtattar daıyndaǵan túzetýler boıynsha salalyq komıtetterdiń qorytyndy ázirleý merzimin anyqtady. Jańa engizilim veterınarlyq qaýipsizdikti qamtamasyz etýge baǵyttalǵan. Sonymen qatar, zań jobasymen óndiristik qýattardyń jańasyn qurýǵa nemese qoldanystaǵysyn keńeıtýge qajetti ınvestısııalyq qarjyny bólý kezinde agroónerkásiptik keshen sýbektileri shekken shyǵyndardyń bir bóligin óteý qarastyrylypty.
Palatanyń keshegi otyrysynda «Psıhıkalyq buzylýshylyqtardan zardap shegetin adamdardy májbúrlep emdeý júrgizý úshin berý týraly konvensııany ratıfıkasııalaý týraly» zań jobasy da jumysqa qabyldandy.
Palata Qazaqstan men Koreıa úkimetteri arasyndaǵy Balqash jylý elektr stansasyn damytý, qarjylandyrý, jobalaý, salý, paıdalaný jáne oǵan tehnıkalyq qyzmet kórsetý salasyndaǵy kelisimge ózgerister engizý týraly Hattamany ratıfıkasııalaý týraly zań jobasyn maquldady. Atalǵan túzetýler Balqash JES-i birinshi modýliniń qurylysyn bastaýdy qamtamasyz etý maqsatynda engizilip otyr. Kelisimde qoldanylatyn termınderdi elektr energetıkasy, tabıǵı monopolııalar men retteletin naryq sýbektileriniń ınvestısııalyq qyzmeti máseleleri boıynsha sáıkestendirý úshin de ózgerister engiziletini belgili boldy.
Osy rette Májilis Tóraǵasy Nurlan Nyǵmatýlın stansa qurylysyna qatysty ratıfıkasııanyń mańyzyna toqtala kelip, ekologııa máselesinde depýtattar ustanymynyń tym qatań bolaryn eskertti. Sondyqtan da Úkimet osy jaǵyna erekshe nazar aýdarýy tıis. Premer-M
