«Sońǵy 8 aıdyń ishinde «Nur Otan» partııasyna múshe 201 adam jemqorlyq úshin aıyptaldy. Bul byltyrǵy jylǵy kórsetkishten 4 esege artyq. Sebebi, ótken jyldyń 8 aıynyń ishinde dál osyndaı aıyppen 49 partııa múshesi ustalǵan bolatyn. Osy oraıda, jemqorlardyń 60 paıyzyn memlekettik jáne bıýdjettik uıym basshylarynyń qurap otyrǵandyǵyn aıtý qajet. Bul – bir rettik aksııa emes. Partııa qataryndaǵy jemqorlardy anyqtaý jumysy júıeli ári keshendi túrde júrgiziletin bolady».
Astanada ótken «NurOtan» partııasynyń Saıası keńes bıýrosy men Partııalyq baqylaý komıtetiniń birlesken otyrysynda Partııalyq baqylaý komıtetiniń tóraǵasy Boran Raqymbekov osylaı dedi.
«Sońǵy 8 aıdyń ishinde «Nur Otan» partııasyna múshe 201 adam jemqorlyq úshin aıyptaldy. Bul byltyrǵy jylǵy kórsetkishten 4 esege artyq. Sebebi, ótken jyldyń 8 aıynyń ishinde dál osyndaı aıyppen 49 partııa múshesi ustalǵan bolatyn. Osy oraıda, jemqorlardyń 60 paıyzyn memlekettik jáne bıýdjettik uıym basshylarynyń qurap otyrǵandyǵyn aıtý qajet. Bul – bir rettik aksııa emes. Partııa qataryndaǵy jemqorlardy anyqtaý jumysy júıeli ári keshendi túrde júrgiziletin bolady».
Astanada ótken «NurOtan» partııasynyń Saıası keńes bıýrosy men Partııalyq baqylaý komıtetiniń birlesken otyrysynda Partııalyq baqylaý komıtetiniń tóraǵasy Boran Raqymbekov osylaı dedi.
Jıynda sondaı-aq, Parlament Májilisiniń eks-depýtaty Baqyt Syzdyqova men Bilim jáne ǵylym vıse-mınıstri qyzmetin atqarǵan Saıat Shaıahmetovti «Nur Otan» partııasy músheliginen shyǵarý máselesi de qaraldy.
«Nur Otannyń» Partııalyq baqylaý komıtetiniń Astana qalalyq fılıalynyń tóraǵasy Dáýletkereı Rahmetýllınniń aıtýynsha, 2008 jyldyń 12 qarashasynda «Nur Otan» HDP QB №18 «Ýaqytsha qarjylaı kómek kórsetý» kelisimi negizinde Baqyt Syzdyqova jetekshilik etken «Qazaqstannyń bolashaǵy úshin» Jastar qozǵalysy» qoǵamdyq birlestigine jedel túrde qaıtarylatyn shartpen 7 mln. teńge kóleminde qarjylaı kómek kórsetilipti.
Bul kelisimshartqa sáıkes, qarjy 2009 jyldyń 1 qańtaryna deıin qaıtarylýy tıis eken. Tıisinshe, qarjy ýaqytynda qaıtarylmaǵan ár kúnge tólenetin aıyppul kólemi 0,1 paıyzdy quraǵan. Alaıda, Baqyt Syzdyqova osy ýaqytqa deıin aıtylyp kelgen kóp eskertýge qaramastan, qaryzdy ýaqtyly tóleý mindetterin oryndamaı, jaltaryp kelgendikten, búginde qaryzdyń somasy aıyppulmen qosa eseptegende, 15 mln.-ǵa jetipti. «Bul másele partııanyń Ortalyq qadaǵalaý komıssııasy ótkizgen osy jylǵy aýdıt tekserisinen keıin kóterilip otyr. Sol sebepti, Baqyt Syzdyqovany partııa músheliginen shyǵarý týraly sheshim qabyldandy», dedi Partııalyq baqylaý komıtetiniń ókilderi.
Olardyń aıtýynsha, Baqyt Syzdyqovanyń 1999 jyldan beri partııanyń belsendi múshesi ekendigi eskerile otyryp, qaryz aqysy (7 mln. teńge) jedel túrde qaıtarylǵan jaǵdaıda, partııa aıyppuldy keshirý máselesin qarastyrýy múmkin eken.
Jıyn kezinde Bilim jáne ǵylym vıse-mınıstri bolǵan, partııanyń 1999 jyldan bergi múshesi Saıat Shaıahmetovtiń de máselesi qaraldy. Partııalyq baqylaý komıteti ókilderiniń aıtýyna qaraǵanda, 2013 jylǵy 29 sáýirde elimizdiń Ekonomıkalyq qylmysqa jáne sybaılas jemqorlyqqa qarsy kúres agenttigi О́skemen qalasynda 700 adamǵa arnalǵan oqý ornyn salý kezinde 1,5 mlrd. teńge kólemindegi bıýdjettik qarjyny ıemdený men jumsaý faktisi boıynsha qylmystyq is qozǵaǵan. Keıin, ıaǵnı 17 mamyrdan bastap sot sheshimimen iske qatysy bar jáne qarjyny qaltasyna basty degen aıyppen Saıat Shaıahmetov úı qamaýyna alynǵan. «Qazirgi kezde qylmystyq is boıynsha tekserý jumystary júrgizilip jatyr. Sońǵy sheshim sotta qabyldanady. Al partııa bedelin túsirgeni úshin Saıat Shaıahmetovti «Nur Otan» qatarynan shyǵarý týraly sheshim qabyldandy», dedi partııa ókilderi.
Otyrys sońynda Partııalyq baqylaý komıtetiniń tóraǵasy Boran Rahymbekov partııa ishindegi tártiptiń saqtalýy partııa organdary qyzmetiniń mańyzdy baǵyttarynyń biri ekendigin atap kórsetti.
Láıla EDILQYZY,
«Egemen Qazaqstan».
