Esterińizge salaıyq, 26 naýryzdan bastap barlyq halyqqa qyzmet kórsetý ortalyqtarynyń jumysy toqtatylǵan bolatyn. «Azamattarǵa arnalǵan úkimet» memlekettik korporasııasy qazaqstandyqtar úshin budan buryn ótinish berilgen, sondaı-aq elektrondy formatta tapsyrys berilgen qyzmetter boıynsha daıyn qujattardy alyp ketýge bolatyn biryńǵaı terezeni iske qosty. Almaty qalasynda Jandosov kóshesi, 51 mekenjaıynda ornalasqan Áýezov aýdandyq HQO belgilengen bolatyn.
Biryńǵaı terezede berilgen qujattardyń deni – AHAT qujattary, júrgizýshi kýálikteri, kóliktiń tehnıkalyq pasporty men tirkeý nómirleri, jyljymaıtyn múlik pen jer ýchaskeleriniń qujattary, sondaı-aq jeke kýálik pen pasport.
Daıyn qujattardy berý terezesiniń jumys kestesi: dúısenbi-juma 9.00-den 17.00-ge deıin. Senbi – saǵat 9.00-14.00 aralyǵy.
Respýblıka boıynsha HQO-nyń biryńǵaı terezesinen 76 myńnan astam daıyn qujatyn alyp ketken.
