Foto: Qorǵanys mınıstrligi
Jobanyń tanystyrylymyna Jasandy ıntellekt jáne sıfrlyq damý vıse-mınıstri Dmıtrıı Mýn, Freedom Holding Corp kompanııasynyń bas atqarýshy dırektory Tımýr Týrlov, sondaı-aq IT-ındýstrııa jáne ǵylymı qaýymdastyq ókilderi qatysty. Freedom Holding Corp qoldaýymen qurylǵan alań qorǵanys tehnologııalary salasynda ulttyq ınnovasııalyq ekojúıeni damytýǵa baǵyttalǵan.
Defense Tech IT Park – Qorǵanys mınıstrliginiń 2022 jyldan bastap júzege asyryp kele jatqan Defense Tech bastamasynyń damýynyń jańa kezeńi. Jobanyń negizgi maqsaty – ásker men qaýipsizdik júıesi úshin sıfrlyq tehnologııalar, beınebaqylaý júıeleri, derekterdi taldaý, telekommýnıkasııalar jáne jasandy spýtnıktik sheshimder salasyndaǵy otandyq IT-kompanııalar men startaptardyń ınnovasııalyq jobalaryn engizý.
Qorǵanys mınıstrligi jelide taraǵan vıdeoǵa qatysty shuǵyl málimdeme jasady
Qorǵanys mınıstri avıasııa generaly-leıtenanty Dáýren Qosanov ortalyqtyń qurylýy elimizdiń tehnologııalyq áleýetin nyǵaıtýǵa jáne zamanaýı ázirlemelerdi áskerge jyldam engizýge baǵyttalǵanyn atap ótti.
«Búgingi tańda memlekettiń qorǵanys qabileti tikeleı tehnologııalyq damýǵa baılanysty. Bizdiń basty mindetimiz – óz ıdeıalarymyzdy áskerge praktıkalyq turǵyda engizý jolyn qysqartý», dedi mınıstr.
Elimizdiń qorǵanys salasynda qandaı sıfrlyq sheshimder engizilgen?
О́z kezeginde Tımýr Týrlov alańnyń tehnologııalar men qorǵanys ázirlemeleri salasyndaǵy jas mamandar úshin tartymdy ortalyq bolatynyn jetkizdi.
«Biz munda Defense Tech Hub tehnologııalyq bilim berý alańyn qurdyq. Stýdentter, onyń ishinde áskerı kafedralarda bilim alyp júrgender, praktıkalyq daǵdylaryn jetildirip, hakatondar men akselerasııalyq baǵdarlamalarǵa qatysa alady», dedi T. Týrlov.
Qorǵanys mınıstriniń sıfrlyq damý máseleleri jónindegi orynbasary Darhan Ahmedıev jańa ortalyqtyń perspektıvalyq tehnologııalyq jobalardy izdeý jáne tańdaý, ázirleýshilerdi ıdeıadan prototıp jasaýǵa deıin qoldaý, sheshimderdi áskerde pılottyq engizýge daıyndaý alańy bolatynyn atap ótti. Jańa platforma qorǵanys vedomstvosy, ǵylymı uıymdar jáne tehnologııalyq bıznes arasyndaǵy júıeli ózara árekettestikti qalyptastyrady jáne Qazaqstannyń qorǵanys múddesi úshin ınnovasııalardy jedel engizýge múmkindik beredi.
