Moıynyna bir emes, birneshe adamnyń qanyn júktegen nápsiqumar qanisherge qatysty sot úkimi oqylyp jatqan kezde zal ishinde ushqan shybynnyń yzyńy estiletindeı óli tynyshtyq ornady. О́kinish pen óksik ózegin órtep, qaıǵydan qan jutqan qaza bolǵandardyń ata-analary men baýyrlary, kýálar men osy proseske ádeıi shaqyrylǵan BAQ ókilderi de demderin ishterine tartyp, sýdıa Gúlnar Hajenovanyń aýzynan shyqqan árbir sózdi qalt jibermeýge tyrysty.
Moıynyna bir emes, birneshe adamnyń qanyn júktegen nápsiqumar qanisherge qatysty sot úkimi oqylyp jatqan kezde zal ishinde ushqan shybynnyń yzyńy estiletindeı óli tynyshtyq ornady. О́kinish pen óksik ózegin órtep, qaıǵydan qan jutqan qaza bolǵandardyń ata-analary men baýyrlary, kýálar men osy proseske ádeıi shaqyrylǵan BAQ ókilderi de demderin ishterine tartyp, sýdıa Gúlnar Hajenovanyń aýzynan shyqqan árbir sózdi qalt jibermeýge tyrysty.
«...Atyraý oblystyq qylmystyq ister jónindegi mamandandyrylǵan aýdanaralyq sotynyń alqabılerdiń qatysýymmen shyǵarǵan úkimi boıynsha aıyptalýshy Mıras Qadeshov QR Qylmystyq kodeksiniń 121-baby 2-bóliminiń «b», «g» tarmaqtarymen («óltiremin» dep qorqytýmen ushtasqan, asa qatygezdikpen birneshe ret jasalǵan zorlaý), 96-baby 2-bóliminiń «k», «n» tarmaqtarymen (kisi óltirý), 175-baby 2-bóliminiń «b» tarmaǵymen (urlyq), 24-baby 3-bólimimen (tikeleı qylmys jasaýǵa týra baǵyttalǵan nıetpen jasalǵan is-áreket) jáne 96-baby «n» bólimi boıynsha aıyptalyp, ómir boıy bas bostandyǵynan aıyrý jazasyna kesildi», dep sýdıa sot úkiminiń sońǵy núktesin qoıǵan kezde ashyq sot prosesine qatysýshylar bir sát qozǵalyssyz qaldy da, ile-shala úkimge rızashylyqtaryn bildirip, qoldaryn shapalaqtap jiberdi.
Tárbıeli muǵalimder otbasynan shyqqan, tepse temir úzetin osy bir alpamsadaı jigittiń jan rahatyn adal eńbekpen emes, nápsiqumarlyq arqyly tabýǵa umtylǵan is-áreketi Atyraý qalasynyń turǵyndaryn 2010 jyldyń kúz aıynan bastap qatty dúrliktirdi. «Qalada manıak paıda bolypty. Áıel-erkegine qaramaı zorlap, qorlap, tonap, aqyr sońynda óltirip ketedi eken» degen alypqashpa áńgime jeldi kúngi órtteı qaýlady. Quqyq qorǵaý organdary aıaqtarynan tik turyp, qylmystyq áreket jasalady-aý degen aýdandardy jiti baqylaýǵa aldy. Ata-analar tańerteń balalaryn mektepke ózderi alyp baryp, sabaq bitkesin kútip alatyn boldy.
Bul kezde M.Qadeshov óziniń qandyqol úshinshi joryǵyna qapysyz daıyndalyp jatyr edi. Alǵashqy ekeýiniń sátti aıaqtalýy onyń óz-ózine degen senimin nyǵaıtqany anyq. Táýelsiz «Aq Jaıyq» gazetinde jarııalanatyn páter jaldaýshylardyń jarnamalary oǵan óz jemtigin qaı jerden, qalaı tabýyna baǵyt-baǵdar berip otyrdy dese de bolady. Ár isin eseppen jasap, aqyryn júrip, anyq bassa aqshadan da, teginnen-tegin tán lázzatynan da tarshylyq kórmeıtinin oılaǵanda, ózinshe ómir súrýdiń osyndaı jolyn tańdaǵanyna ókingen joq.
Áýeli qaladaǵy «Kóktem» bazaryna baryp aǵash sapty pyshaq, bolashaq qurbandyǵyn býyndyratyn kádimgi báteńkeniń baýyn satyp aldy. Sodan keıin gazettegi jarnama boıynsha páter ıelerimen sóılese bastady. Alǵashqy sóılesken eki áıel adam «kekseleý» kórindi. Tek úshinshi márte telefon shalǵanda baryp, balaýsa qyzdyń daýysyn estidi. Jyly-jyly sóılep, óziniń tanys qurbysymen ońasha kezdesýi úshin páter jaldaıtynyn aıtyp, aqshasyna kelisti.
Ýáde boıynsha «Avangard» shaǵyn aýdanyndaǵy úıge kelgende, esikti jıyrma jas shamasyndaǵy qyz bala ashty. As úıdi, vannany qarap bolǵannan keıin demalatyn bólmedegi teledıdardy qosyp berýdi ótindi. Oıynda bóten eshteńe joq, pýltke jaqyndaı bergen qyzdyń art jaǵynan kelip aldyn ala daıyndalǵan baýmen qylqyndyra bastady. Oqıǵanyń bulaısha qaterli baǵyt alatynyn kútpegen páter ıesi qanshama bulqynyp, jantalasa arpalysqanymen eńgezerdeı jigittiń dúleı kúshine tótep bere almady. Qolyndaǵy bylq-sylq etken qyzdyń endi qaýqarsyz ekenine kózi jetken Mıras óli deneni haıýanı túrde qorlaýǵa kiristi. Sharýasyn tyndyrǵannan keıin onyń altyn saqınasyn, qaltasyndaǵy aqshasyn alyp, eshteńe bolmaǵandaı esikti kilttep, óz jónine kete bardy.
Kelesi kúni Azattyq dańǵylyndaǵy jaldamaly páterdiń ıesin de osylaı qorlap óltirdi. Atar tańy, tatar dámi áli de alda qarakóz qaryndastyń qyrshyn ómirin qıyp, uıaly telefonyn, on myń teńge aqshasyn oljalady. Kóp keshikpeı «Vokzal mańy» aýdanyndaǵy jaldamaly úıdiń ıesi qyz balamen de joǵarydaǵydaı tásilmen sóılesip, kelisedi. Bul joly ol ózin tipti erkin sezindi. Aýyr soqqy men tunshyqtyrýdan aqyl-esinen aıyrylǵan qorǵansyz qyzdardyń obalyna qalam-aý dep te, olardyń a
