Tuńǵysh Prezıdent – Elbasy N.Á.Nazarbaev tóraǵalyq etetin Qazaqstan halqy Assambleıasy el birliginiń biregeı modelin qalyptastyrýda aıryqsha mańyzǵa ıe. Osy biregeı ınstıtýttyń arqasynda biz etnosaralyq senim men dostyqty nyǵaıta aldyq.
Qazaqstan Prezıdenti Q.Toqaev el ishindegi turaqtylyqqa aıryqsha mán berýde. Qazaqstan halqyna Joldaýynda Memleket basshysy kelisim men birlik, danalyq pen ózara túsinistik bizdiń alǵa jyljýymyzǵa yqpal etetinin atap ótti.
Etnomádenı birlestikterdiń ókilderi beıbitshilik pen kelisimdi saqtaýdaǵy qyzmeti úshin Tuńǵysh Prezıdent pen Memleket basshysyna erekshe alǵys bildiredi.
«Men barsha qazaqstandyqtardy merekemen quttyqtaǵym keledi. Ár otbasyna baqyt, jaqsylyq, tatýlyq pen memleketimizge turaqtylyq tileımin! Sondaı-aq Elbasymyzǵa biregeı ınstıtýt – Qazaqstan halqy assambleıasy úshin alǵys aıtqym keledi. Sonyń arqasynda biz beıbitshilik pen kelisimde ómir súrip jatyrmyz», – deıdi QHA tóraǵasynyń orynbasary, «Vaınah» sheshen-ıngýsh ortalyǵynyń múshesi Iýsýp Kelıgov.
«QHA – QR Tuńǵysh Prezıdenti – Elbasynyń tól balasy. Táýelsizdiktiń 25 jyly ońaı bolǵan joq. Biraq olar táýelsiz Qazaqstandaǵy turaqtylyqtyń, ultaralyq kelisim men tatýlyqtyń negizine aınaldy», – deıdi Nur-Sultan qalasy káris etnomádenı ortalyǵynyń tóraǵasy Atam Hon.
О́z kezeginde «Lad» respýblıkalyq slavıan qozǵalysynyń elordalyq fılıaly tóraǵasy Nıkolaı Shepelıýk 1 mamyr óz seriktesteri úshin erekshe kún ekenin tilge tıek etti.
«Bul kúni biz árqashan bas qosyp, bir-birimizge kómektesemiz. Elbasyǵa 25 jyl boıy bizge kórsetken qamqorlyq úshin shyn júrekten rızamyz. QHA-ny árqashan durys baǵytta bastap, laıyqty jetekshilik etip keledi. Elbasynyń ashyq ári shynaıy ustanymynyń arqasynda Qazaqstan damyp, gúldenýde», – deıdi N.Shepelıýk.
«Biz Elbasyǵa, Prezıdentke uzaq ǵumyr tileımiz. Bolashaqta beıbitshilik pen kelisim uıytqysy bolý úshin biz árqashan qol ushyn sozýǵa daıynbyz», – dep túıindeıdi Qazaqstandaǵy Ázerbaıjan mádenı ortalyqtary odaǵy basshysynyń orynbasary Orhan Alıev.
