Oralǵan jolaýshylardyń bári Qazaqstan azamattary eken. Olardy Taldyqorǵan áýejeıynda arnaıy kólik kútip alyp, Qapshaǵaı qalasy mańyndaǵy demalys keshenderiniń birine tasymaldaý josparlanǵan. Jolaýshylardan koronavırýsqa qarsy analız alynyp, tolyqtaı tekserýden ótedi.
- Ushaq bortyndaǵy 168 jolaýshy Qapshaǵaı mańynda oqshaýlanady. Olar jatatyn aýmaq tolyqtaı qorshalǵan. Juqpaly indet belgisin anyqtaýǵa arnalǵan test qortyndysy shyqqanǵa deıin shet elden oralǵandarǵa syrtpen baılanysýǵa tıym salynady. Barlyq azamattar hattamaǵa sáıkes 2 kún mindetti karantınde bolady. Jolaýshylardyń arǵy jaǵdaıy test qortyndysyna qaraı aıqyndalmaq, - dedi bizge aqparatqa oraı túsinikteme bergen Almaty oblysy ákiminiń baspasóz hatshysy Ǵalymurat Júkel.
