Osy qysyltaıań kezdegi Memleket basshysynyń barlyq is-áreketi, tótenshe jaǵdaıdy 11 mamyrǵa deıin sozǵany da kóptiń kóńilinen shyqty. Endi, mine, ekinshi ret málimdeme jasap:
«Basty mindet – azamattarymyzdyń densaýlyǵyn saqtap, ómirin qorǵap qalý.
Áleýmettik jáne ekonomıkalyq turaqtylyqty qamtamasyz etip, halyqtyń tabysyn saqtaý úshin de arnaıy sharalar qabyldanyp jatyr.
Taǵy da qaıtalap aıtamyn: qazirgideı kúrdeli kezde árbir azamat bizdiń nazarymyzda bolady. Memleket eshkimdi qıyndyqta qaldyrmaıdy», degeni halyqtyń rýhyn kótergen ulyq sóz boldy.
Aqtamberdi aıtqan:
Bilimdi týǵan jaqsylar,
Az da bolsa kóppen teń, – degen osy!
«Jızn dostoına teh, kto boretsıa za nee kajdyı den» depti Ostrovskıı. Memleket basshysynyń málimdemeleri bizge ómirden alynǵan osy ulaǵatty sózdi oıymyzǵa oraltyp, boıymyzǵa kúsh-qýat, «Tózim tilekke jetkizedi» degen armanymyzǵa qanat bitirdi.
Málimdemedegi ár sóılemnen halyqqa degen qurmet pen súıispenshiliktiń jyly lebi esip tur.
Memleket basshysy bylaı deıdi:
«Bul daǵdarys birligi bekem, elin súıetin otanshyl jurt ekenimizdi kórsetti.
Qashanda osylaı ult bolyp uıysa bilsek, barlyq maqsatymyzǵa qol jetkizemiz. Oǵan eshqandaı kúmán joq.
Eldiń qamy úshin bastaǵan isimiz qaıyrly bolady dep senemin! Halqymyz «Bereke basy – birlikte» deıdi.
Judyryqtaı jumylsaq, kez kelgen qıyndyqty jeńemiz!
Biz birgemiz!».
Iá, biz birgemiz, syzat túsip sógilmeıdi irgemiz!
«Tatý elge – tynyshtyq pen toqshylyq násip», depti Kúltegin.
Súleımen baqytty kezinde qolyndaǵy júziginiń astyndaǵy: «Bári de ótedi», qıynshylyq kelgende júziktiń ústindegi «Bul da ótedi» degen jazýdy oqıdy eken.
Iá, bul da ótedi.
Toıdyń úlkeni alda.
Aman bolaıyq!
Sábıt DOSANOV,
Memlekettik syılyqtyń laýreaty
ALMATY
