Qazaqstan Respýblıkasynyń Bas memlekettik sanıtarlyq dárigerine keńeıtilgen ókilettikter berildi.
Endi ol elimizde shekteý sharalaryn engizip, olardyń kúshin joıa alady. Qaýly memlekettik tirkeýge jatpaıdy.
Bas memlekettik sanıtarlyq dárigerdiń ókilettikteri myna turǵydan keńeıtildi:
Karantındik aımaqtardy belgileý týraly sheshim qabyldaý quqyǵymen, memlekettik shekaradaǵy ótkizý pýnktteri arqyly kirýge jáne shyǵýǵa shekteý engizý týraly sheshim;
Infeksııalardyń ákelinýi men taralýynan qorǵalatyn aýmaqtarda epıdemııaǵa qarsy is-sharalardy tolyq úılestirý;
Epıdemıologııalyq qyzmetterdiń shtattyq sany kóbeıdi, epıdemıologtar arnaıy memlekettik organdarǵa artyqshylyqtary boıynsha teńestirilgen.
Sondaı-aq, otyrys barysynda sanıtarlyq medısınalyq baqylaýdyń jeke qyzmetin bóle otyryp, Taýarlar men kórsetiletin qyzmetterdiń sapasy men qaýipsizdigin baqylaý komıtetin qaıta uıymdastyrý týraly sheshim qabyldandy.
Bul sanıtarlyq-karantındik baqylaýdy jetildirý jáne sanıtarlyq-epıdemıologııalyq qyzmetterdi materıaldyq-tehnıkalyq jaraqtandyrýdy jaqsartý úshin jasalady.
